“კატარის ავიახაზების” წარმომადგენლები სტუდენტებს შეხვდნენ

11 დეკემბერს, სატრანსპორტო სისტემებისა და მექანიკის ინჟინერიის ფაკულტეტზე კომპანია “კატარის ავიახაზების” წარმომადგენლები სტუდენტებს და პროფესორ-მასწავლებლებს შეხვდნენ.

შეხვედრის მიზანს კომპანიის შესახებ ინფორმაციის გაზიარება და სტუდენტური კლუბის პროგრამის გაცნობა წარმოადგენდა. აღსანიშნავია, რომ “კატარის ავიახაზების” სტუდენტური კლუბის პროგრამის იდეა, სტუდენტებისათვის გარკვეულ შეღავათებსა და უპირატესობებს გულისხმობს.

შეხვედრა ძალიან საინტერესო, მრავალფეროვან და ინფორმაციულად დატვირთულ რეჟიმში წარიმართა. სტუდენტებისათვის ჩატარდა ონლაინ გათამაშებაც, სადაც სიმბოლურად “კატარის ავიახაზების” ბოინგ 777 მოდელი გათამაშდა. ასევე, კომპანიამ შეხვედრის ყველა მონაწილეს, ბრენდირებული სამახსოვრო საჩუქრები გადასცა. 

“კატარის ავიახაზები” - კატარის სახელმწიფოს ოფიციალური ავიაკომპანიაა, რომელიც 1993 წელს დაარსდა, ფრენები კი, 1994 წლის 20 იანვრიდან დაიწყო. ამჟამად, კომპანია ხუთ კონტინენტს ემსახურება და ერთმანეთთან, 150-მდე მიმართულებას აკავშირებს. კომპანია ფრენას უახლესი მოდელის თვითმფრინავებით ახორციელებს. ავიაკომპანიის მთავარი ოფისი ქალაქ დოჰაში მდებარეობს.