პროფესიულ საგანმანათლებლო პროგრამებზე სასწავლო პროცესი დაიწყო

25 ნოემბერს, საქართველოს ტექნიკურ უნივერსიტეტში, პროფესიულ საგანმანათლებლო პროგრამებზე სასწავლო პროცესი დაიწყო.

სატრანსპორტო სისტემებისა და მექანიკის ინჟინერიის ფაკულტეტის ადმინისტრაციის წარმომადგენლებმა პროფესიული პროგრამების სტუდენტებს ახალი სასწავლო წლის დაწყება მიულოცეს.

მათ სტუდენტებს პროფესიული პროგრამების სპეციფიკა გააცნეს, ასევე, ესაუბრნენ დაგეგმილ აკადემიურ პროცესებზე და მათ საუნივერსიტეტო ცხოვრებაში აქტიური ჩართვისაკენ მოუწოდეს. 

აღსანიშნავია, რომ სატრანსპორტო სისტემებისა და მექანიკის ინჟინერიის ფაკულტეტზე, საქართველოს ტექნიკური უნივერსიტეტის მასშტაბით, ყველაზე მეტი -13 პროფესიული საგანმანათლებლო პროგრამა ფუნქციონირებს.

აღსანიშნავია, რომ პროფესიული პროგრამები, უნივერსიტეტისათვის პრიორიტეტს წარმოადგენს და ამ მიმართულებით მომავალშიც მრავალი სიახლე იგეგმება.

ფაკულტეტის ადმინისტრაცია, კიდევ ერთხელ, ვულოცავთ ჩვენი პროფესიული საგანმანათლებლო პროგრამების სტუდენტებს სწავლის დაწყებას და მათ წარმატებული სასწავლო წელს, აქტიურ სტუდენტურ ცხოვრებას და კარიერულ წარმატებებს ვუსურვებთ.