მორიგი შეხვედრა ბიზნეს ორგანიზაციებთან

19 ნოემბერს საქართველოს ტექნიკური უნივერსიტეტის, სატრანსპორტო სისტემებისა და მექანიკის ინჟინერიის და სამშენებლო ფაკულტეტებს, კომპანია „დაიკინი“-ს რეგიონული ოფისის წარმომადგენლები - საექსპორტო გაყიდვების ინჟინერი ბერნა მილეკი, პროდუქტის მარკეტინგის უფროსი ინჟინერი ემირფან არდანჰანოგლუ და ტექნიკური მენეჯერი მაქსიმ მიხაილიჩენკო ესტუმრნენ.

შეხვედრას საქართველოს მაცივარ აგენტების რეციკლირების ცენტრის, სამშენებლო ფაკულტეტის, სატრანსპორტო სისტემებისა და მექანიკის ინჟინერიის ფაკულტეტის საინჟინრო მომსახურების ცენტრის თანამშრომლები და სტუდენტები ესწრებოდნენ, ასევე,  კომპანიების ,,ეარ-ტოპის" და “ბაუმერის“ წარმომადგენლები. 

კომპანია “დაიკინი“ კონცენტრირებულია უახლეს ტექნოლოგიებზე, პროდუქტებსა და გადაწყვეტებზე გათბობის, ვენტილაციისა და კონდიცირების (HVAC) სფეროში. შეხვედრაზე განიხილეს დარგის სიახლეები, ინოვაციები და ლიდერობის მიზეზები; ყურადღება გამახვილდა თბურ ტუმბოებზე და სხვა ტექნოლოგიებზე. 

შეხვედრა ინტერაქტიურ რეჟიმში წარიმართა. კომპანიების მენეჯმენტის წარმომადგენლებმა აღნიშნეს, რომ ისინი მზად არიან უნივერსიტეტთან შემდგომი თანამშრომლობისთვის.

მადლობას ვუხდით კომპანიების ,,ეარ-ტოპის", “ბაუმერის“ და „დაიკინის“ რეგიონული ოფისის წარმომადგენლებს საინტერესო შეხვედრისათვის.

ფაკულტეტის ადმინისტრაცია სტუდენტზე ორიენტირებული მსგავსი აქტივობების მხარდაჭერას მომავალშიც გავაგრძელებთ.