14-15 ივლისს, საქართველოს ტექნიკური უნივერსიტეტის სამშენებლო ფაკულტეტზე IX საერთაშორისო სტუდენტური კონფერენცია გაიმართება თემაზე – „ინოვაციური ტექნოლოგიები ინჟინერიაში“.

სამშენებლო ფაკულტეტის ადმინისტრაცია სტუდენტებს იწვევს კონფერენციაზე მონაწილეობის მისაღებად:

14 ივლისი – ბაკალავრიატის სტუდენტებისთვის;

15 ივლისი – მაგისტრატურისა და დოქტორანტურის სტუდენტებისთვის.

კონფერენციაში მონაწილეობის მისაღებად სტუდენტებმა უნდა წარმოადგინონ ნაშრომები ინჟინერიისა და გამოყენებითი მეცნიერებების სხვადასხვა მიმართულებით.

რეგისტრაციისა და სტატიის ატვირთვის ბოლო ვადაა 10 ივლისი.

აღნიშნული თარიღის შემდეგ გამოგზავნილი ნაშრომები აღარ მიიღება.

მომდევნო 2 კვირის განმავლობაში გამოქვეყნდება:

• რეგისტრაციის ბმული;

• ნაშრომის ფორმატის დანართი;

• სტატიის გამოგზავნისა და გაფორმების წესები.

მანამდე გთხოვთ:

• შეარჩიოთ აკადემიური ხელმძღვანელი;

• მოიფიქროთ თემის დასახელება;

• წინასწარ მოამზადოთ სტატია, რადგან სავალდებულოა რეგისტრაციის პროცესში ატვირთოთ ნაშრომი.

საკონფერენციო კრებულში გამოსაქვეყნებელი სტატია აუცილებლად უნდა იყოს მომზადებული ინგლისურ ენაზე. თუმცა, კონფერენციაზე მოხსენების წარდგენა შესაძლებელია ქართულ, ინგლისურ ან რუსულ ენაზე.

რეგისტრაციის დროს ყურადღება მიაქციეთ მონაცემების სისწორეს, განსაკუთრებით პირად ნომერს. კონფერენციაზე წარმოდგენილი მასალები გამოქვეყნდება საკონფერენციო კრებულში.