უცხოელი პროფესორების ვიზიტი ქიმიური ტექნოლოგიისა და მეტალურგიის ფაკულტეტზე

11 ივნისს, „ERASMUS+“ თანამშრომელთა მობილობის კვირეულის ფარგლებში,  საქართველოს ტექნიკური უნივერსიტეტის ქიმიური ტექნოლოგიისა და მეტალურგიის ფაკულტეტს ეწვივნენ პროფესორები კარლოშ რიბეირო და ხორხე ტავარესი (ბეჟას პოლიტექნიკური ინსტიტუტი, პორტუგალია). უცხოელი პროფესორები ფაკულტეტის პროფესორ-მასწავლებლებსა და სტუდენტებს შეხვდნენ.

პროფესორმა კარლოშ რიბეირომ პრეზენტაციის სახით, საკუთარი უნივერსიტეტი წარმოადგინა, ასევე, უნივერსიტეტის სტრუქტურა, საგანმანათლებლო პროგრამები და კვლევების ძირითადი მიმართულებები, ისაუბრა ბაკალავრიატისა და მაგისტრატურის სტუდენტების ურთიერთგაცვლის პირობებსა და შესაძლებლობებზე. მან, ასევე, წაიკითხა სალექციო კურსი: „დაბინძურებული ნიადაგის ფიტორემედიაცია“. 

პროფესორმა ხორხე ტავარესმა წარმოადგინა პრეზენტაცია თემაზე: “ცხოველების მდგრადი წარმოება. 21-ე საუკუნე - გამოწვევები და შესაძლებლობები”. მან სტუდენტებთან საინტერესო ინტერაქტიური ლექცია ჩაატარა და შემდეგ კი, მათ კითხვებს უპასუხა. 

შეხვედრაზე განვიხილეთ საქართველოს ტექნიკურ უნივერსიტეტთან თანამშრომლობის საკითხები, კერძოდ, სურსათის მეცნიერებისა და გარემოს ინჟინერიის დუალური პროგრამების შექმნის შესაძლებლობა.

დაიგეგმა უცხოელ კოლეგებთან ერთად სამეცნიერო კვლევების ჩატარება და ერთობლივი პუბლიკაციების გამოქვეყნება მაღალრეიტინგულ უცხოურ ჟურნალებში, სტუდენტთა და თანამშრომელთა გაცვლით პროგრამებში უფრო აქტიურად ჩართვა.