02/06/2025
უცხოელი პროფესორების ვიზიტი ქიმიური ტექნოლოგიისა და მეტალურგიის ფაკულტეტზე
უცხოელი პროფესორები ფაკულტეტის სტუდენტებსა და პროფესორ-მასწავლებლებს შეხვდნენ. პროფესორმა ვოიცეხ კუიავსკიმ პრეზენტაციის სახით წარმოადგინა საკუთარი უნივერსიტეტი, თავისი კვლევითი მიმართულება და ასევე, წაიკითხა სალექციო კურსი მემბრანულ ტექნოლოგიაში.
დოქტორმა სენემ იეთგინმა წარმოადგინა პრეზენტაცია თემაზე: “შეფუთვის ტექნოლოგია და ჯანსაღი საკვების არჩევანი”.
„შეხვედრაზე განვიხილეთ საქართველოს ტექნიკურ უნივერსიტეტთან თანამშრომლობის საკითხები, დაიგეგმა უცხოელ კოლეგასთან ერთად სამეცნიერო კვლევების ჩატარება და ერთობლივი პუბლიკაციების გამოქვეყნება მაღალრეიტინგულ უცხოურ ჟურნალებში, სტუდენტთა და თანამშრომელთა გაცვლით პროგრამებში უფრო აქტიურად ჩართვა“, - აცხადებს ქიმიური ტექნოლოგიისა და მეტალურგიის ფაკულტეტის დეკანის მოვალეობის შემსრულებელი, პროფესორი ლიანა თარგამაძე.