შექმნის ისტორია:

2014 წლის 13 მაისს სრულიად საქართველოს კათოლიკოს-პატრიარქის, უწმინდესისა და უნეტარესის ილია მეორეს ინიციატივით შეიქმნა მევენახეობა-მეღვინეობის ეროვნული ცენტრი, რომლის ერთ-ერთი დამფუძნებელი საქართველოს ტექნიკური უნივერსიტეტი გახლავთ.

2017 წლის ნოემბერში აგრარული მეცნიერებების და ბიოსისტემების ინჟინერინგის ფაკულტეტზე შეიქმნა მევენახეობა-ენოლოგიის დეპარტამენტი, რომელიც აერთიანებს მევენახეობა-მეღვინეობის სფეროში კვლევისა და სასწავლო მიმართულებებს. 

დაარსების დღიდან დეპარტამენტს ხელმძღვანელობს პროფ. ნინო ჩხარტიშვილი

დეპარტამენტის მისია და ხედვა:

• განათლების უწყვეტი ჯაჭვი - ერთადერთი უნივერსიტეტი, რომელიც სთავაზობს მევენახეობა-მეღვინეობის მიმართულებით საბაკალავრო პროგრამას;
• მევენახეობა-მეღვინეობის ინგლისური და ქართულენოვანი სამაგისტრო სასწავლო პროგრამები, შემუშავებული მევენახეობა-მეღვინეობის, როგორც კერძო სექტორში ასევე, სამეცნიერო ნაწილში მომუშავე კვალიფიციური კადრის მიერ;
• ხარისხისა და უწყვეტი განვითარების მოთხოვნების შესაბამისად, მევენახეობა-მეღვინეობის დარგში შედეგზე ორიენტირებული განათლებისა და სამეცნიერო კვლევების წარმოება, ადგილობრივი და რეგიონული ბაზრის მოთხოვნების დაკმაყოფილების მიზნით კვლევისა და ეთიკური გარემოს ფარგლებში მდგრადი განვითარება;
• სტუდენტთა ინტელექტუალური აზროვნების გაძლიერება;
• საერთაშორისო ბაზრის მოთხოვნების გათვალისწინებით დარგის მომავალ ლიდერზე ზრუნვა;

დეპარტამენტის მიზნები:

• საერთაშორისო ბაზრის მოთხოვნების გათვალისიწნებით, მევენახეობა-მეღვინეობის დარგში პროფესიული კადრების მომზადება;
• საზოგადოების განვითარების ხელშეწყობის მიზნით ხარისხიანი სასწავლო პროგრამებით უზრუნველყოფა;
• მევენახეობა-მეღვინეობის სამეცნიერო წინსვლის მიზნით, საბაკალავრო, სამაგისტრო და სადოქტორო პროგრამების უწყვეტი განვითარება;
• ქვეყნის სოფლის მეურნეობისა და მევენახეობა-მეღვინეობის განვითარების მიზნით, კვლევებისა და გამოყენებითი კვლევების წარმოება;
• ერთობლივი პროექტებისა და გამოცდილების გაზიარების მიზნით ფაკულტეტისა და სხვა საერთაშორისო ინსტიტუტებისა და ფაკულტეტების კულტურული და სამეცნიერო ურთიერთობების გააქტიურება, კონფერენციებისა და სხვა აქტივობების დაგეგმვა;

კვლევითი კომპონენტი

• დეპარტამენტში მიმდინარე კვლევითი პროექტები კი ხორციელდება მევენახეობა-მეღვინეობის კერძო და სახელმწიფო უწყებათა ექსპერიმენტალურ და საწარმოო ბაზებზე მათთან გაფორმებული ურთიერთთანამშრომლობის მემორანდუმის ფარგლებში;
• დეპარტამენტი სარგებლობს ეროვნული და საერთაშორისო აღიარებებით და თანამშრომლობს მსოფლიოს წამყვან უნივერსიტეტებთან და კვლევით ორგანიზაციებთან;
• ორმხრივი შეთანხმებების ფარგლებში მიმდინარეობს სტუდენტთა და პერსონალთა გაცვლითი პროგრამები, ასევე მრავალი ერთობლივი კვლევითი პროექტი;