საჯარო ლექცია „მწვანე ფინანსები და მასთან დაკავშირებული ინსტრუმენტები - უცხოეთის და საქართველოს გამოცდილება“

5 დეკემბერს, ბიზნესტექნოლოგიების ფაკულტეტის ასოცირებულმა პროფესორმა მზევინარ ნოზაძემ საჯარო ლექცია ჩაატარა თემაზე - „მწვანე ფინანსები და მასთან დაკავშირებული ინსტრუმენტები - უცხოეთის და საქართველოს გამოცდილება“. 

აღსანიშნავია, რომ საჯარო ლექცია ფაკულტეტის შიდა პროექტის ფარგლებში „მწვანე ფინანსები და მასთან დაკავშირებული ინსტრუმენტები“ ჩატარდა. 

ლექციას ფაკულტეტის დეკანი, პროფესორი რუსუდან ქუთათელაძე, დეკანის მოადგილეები პროფესორი გუგული ყურაშვილი და ასოცირებული პროფესორი გიორგი სულაშვილი, ფაკულტეტის სხვა პროფესორ-მასწავლებლები და სტუდენტები ესწრებოდნენ.

ლექციის ბოლოს, მომხსენებელს პროფესორებმა და სტუდენტებმა თემის ირგვლივ კითხვებით მიმართეს. ამავდროულად, გამოითქვა საინტერესო მოსაზრებები მათი მხრიდან, მდგრად და მწვანე ფინანსებთან დაკავშირებით.