საქართველოს ტექნიკური უნივერსიტეტის სამთო–გეოლოგიურ ფაკულტეტთან არსებული „სამთო-გეოლოგიური ტექნოლოგიების ცენტრი” წარმოადგენს ფაკულტეტის სამეცნიერო-კვლევით ერთეულს და ფაკულტეტის დებულების შესაბამისად ახორციელებს სასწავლო, სამეცნიერო და მეთოდურ საქმიანობას, სპეციალისტების გადამზადებას. იგი შუამდგომლობს სამთო-გეოლოგიური ფაკულტეტის წინაშე არსებული საჭიროებების შემთხვევაში მისი დებულებით სამუშაოების გათვალისწინებული შესასრულებლად.
საჭიროების შემთხვევაში, ცენტრი შუამდგომლობს უნივერსიტეტის წინაშე, როგორც საქართველოს, აგრეთვე სხვა ქვეყნის სპეციალისტების მოწვევის და მათთან სათანადო შრომითი ხელშეკრულებების გაფორმების თაობაზე.
ცენტრის საქმიანობის მიზანია უნივერსიტეტის სამთო-გეოლოგიურ ფაკულტეტზე „სამთო-გეოლოგიური ტექნოლოგიების“ მულტიფუნქციური პლატფორმის შექმნა.
ცენტრის საქმიანობის ძირითადი ამოცანებია:
- სამთო-საქმესა და გეოლოგიაში, გეოდეზია-მარკშეიდერიაში, ნავთობისა და გაზის ტექნოლოგიების დარგებში მომუშავე სპეციალისტებისათვის თანამედროვე კომპიუტერული პროგრამების სწავლება;
- პროფესიული, საბაკალავრო, სამაგისტრო და სადოქტორო საფეხურის სტუდენტებისათვის, სამთო-გეოლოგიურ დარგში არსებული კომპიუტერული პროგრამების შესწავლის უზრუნველყოფა;
- სამაგისტრო და სადოქტორო ნაშრომებში არსებული კვლევებისა და მეცნიერული სიახლეების თანამდროვე კომპიუტერული პროგრამებით მხარდაჭერა;
- იმიტირებული კვლევებისა და წამახალისებელი პროექტების ორგანიზება;
- საფაკულტეტომასშტაბით კვლევების კომერციალიზაციის ტექნოლოგიური მხარდაჭერა;
- უნივერსიტეტის აკადემიური და სხვა პერსონალის კვლევითი საქმიანობის თანამედროვე კომპიუტერული პროგრამებით მხარდაჭერა;
- საჯარო ლექციების და ტრენინგ-სემინარების ინიცირება და განხორციელება დარგის წამყვანი სპეციალისტების მოწვევის გზით;
- საგრანტო პროექტების ტექნოლოგიური მხარდაჭერა;
- სტუდენტური სტარტაპ პროექტების მხარდაჭერა.
ცენტრის მისამართია: ქ. თბილისი, კოსტავას ქუჩა # 77, უნივერსიტეტის III კორპუსი.
ცენტრის ხელმძღვანელი: სამთო და გეოინჟინერიის აკადემიური დოქტორი, სტუ-ის
ასოცირებული პროფესორი გიორგი ხეცურიანი