ტყიბულის სამთო-ტექნოლოგიური ინსტიტუტი შეიქმნა საქართველოს მთავრობის 2010 წლის 3 ნოემბრის #333 დადგენილების საფუძველზე, საჯარო სამართლის იურიდიიული პირის - ტყიბულის პროფესიული სწავლების ცენტრის საჯარო სამართლის იურიდიულ პირთანჯ - საქართველოს ტექნიკურ უნივერსიტეტთან მიერთების გზით.

            ინსტიტუტის ოფიციალური დასახელებაა: საქართველოს ტექნიკური უნივერსიტეტის სამთო-გეოლოგიური ფაკულტეტის ტყიბულის სამთო-ტექნოლოგიური ინსტიტუტი.

            ინსტიტუტის საქმიანობის ძირითადი მიმართულებებია საგანმანათლებლო პროგრამების განხორციელება სამთო-გეოლოგიურ და სამშენებლო სფეროში, კერძოდ:

            ა) პროფესიული განათლების პროგრამების განხორციელება

            ბ) სპეციალისტთა გადამზადება, კვალიფიკაციის ამაღლება.

            2011-2018 წლებში ინსტიტუტი ახორციელებდა პროფესიული განათლების პროგრამებს სამ საფეხურზე: (III – IV – V):

1. სამთო ტექნიკოსი (III – IV- V)
2. სამთო ელექტრომექანიკოსი (III – IV - V)
3. გვირაბგამყვანი (III – IV -V)
4. სამთო ტექნიკის ექსპლუატაციისა და რემონტის უსაფრთხოების სპეციალისტი(III – IV _ V)
5. მყარი წიაღისეულის გამდიდრების ტექნოლოგიის სპეციალისტი (III – IV - V)
6. ელმავლის მემანქანე (III)
7. შემდუღებელი (III - IV)
8. კალატოზი (III)
9. მღებავი (III)

2018 წლის გაზაფხულზე  ინსტიტუტმა გაიარა ავტორიზაცია  სამი  მოდულური პროფესიული  პროგრამის   „სამთო ტექნიკოსი“, „სამთო ელექტრომექანიკოსი“, „მყარი წიაღისეულის გამდიდრების ტექნოლოგიის სპეციალისტი“  დასამატებლად.

 2019 წელს ინსტიტუტმა კვლავ გაიარა ავტორიზაცია  სამი  მოდულური პროფესიული  პროგრამაზე „მებათქაშე“, „მღებავი“, „საინფორმაციო ტექნოლოგიების მხარდაჭერა“ .

ტყიბულის სამთო-ტექნოლოგიური ინსტიტუტი დაკომპლექტებულია მრავალწლიანი გამოცდილების კვალიფიციური კადრებით.

2011 წლიდა ნ 2021 წლამდე ინსტიტუტს ხელმძღვანელობდა რევაზ ცნობილაძე, რომელმაც უდიდესი წვლილი შეიტანა როგორც ტყიბულის სამთო-ტექნოლ;ოგიური ინსტიტუტის ჩამოყალიბებაში ,ასევე ზოგადად პროფესიულ განათლებაში.

2021 წლიდან ინსტიტუტის დირექტორია გრიგოლ ცნობილაძე.

ტყიბულის სამთო ტექნოლოგიურ ინსტიტუტს უმნიშვნელოვანესი წვლილი შეაქვს კვალიფიციური კადრების მომზადებით რეგიონის განვითარებაში.