13 ოქტომბერი კატასტროფების რისკების შემცირების საერთაშორისო დღეა

13 ოქტომბერი კატასტროფების რისკების შემცირების საერთაშორისო დღეა. დღე, რომელიც კიდევ ერთხელ გვახსენებს ცნობიერების ამაღლების, პრევენციისა და მდგრადი გარემოს შექმნის კრიტიკულ მნიშვნელობას.

ღონისძიებასთან დაკავშირებით, “ბუნებრივი საფრთხეები, მდგრადი გარემო და დაცვა“ პროგრამის პირველი კურსის სტუდენტები ვერეს ხეობაში იმყოფებოდნენ, სადაც გაეცნენ ხეობის გეოგრაფიულ თავისებურებებს, ბუნებრივ საფრთხეებსა და მათი პრევენციის ღონისძიებებს. 

განსაკუთრებული ყურადღება დაეთმო ღვარცოფისა და წყალდიდობის რისკებს, ასევე, ბუნებრივი საფრთხეების პრევენციისა და მართვისთვის მნიშვნელოვან საინჟინრო ნაგებობებს, მათ შორის, ღვარცოფისგან დამცავ ნატანდამჭერ ცხაურებს, ნაპირდამცავ კედლებსა და წყალგამტარ გვირაბებს.