07/09/2026
ახალი სასწავლო სემესტრი სამთო-გეოლოგიურ და მთის მდგრადი განვითარების ფაკულტეტზე
სასწავლო პროცესის ეფექტიანად და ორგანიზებულად წარმართვის მიზნით, ფაკულტეტის დეკანმა, პროფესორმა ნოე ხოზრევანიძემ ადმინისტრაციულ პერსონალთან სამუშაო შეხვედრა გამართა. შეხვედრაზე ახალი სემესტრის ფარგლებში სასწავლო პროცესის ორგანიზებასთან დაკავშირებული მნიშვნელოვანი საკითხები განიხილეს, მათ შორის ადმინისტრაციული, ტექნიკური და პრაქტიკული მიმართულებები.
განსაკუთრებული ყურადღება დაეთმო სასწავლო პროცესის შეუფერხებლად განხორციელებისთვის საჭირო ღონისძიებების დაგეგმვას, სამუშაო პროცესების კოორდინაციასა და სტუდენტებისთვის შესაბამისი აკადემიური და ადმინისტრაციული გარემოს უზრუნველყოფას.
წარმატებულ და ნაყოფიერ სემესტრს ვუსურვებთ ჩვენს სტუდენტებს, აკადემიურ და ადმინისტრაციულ პერსონალს!