ფაკულტეტის ადმინისტრაციამ ჩინეთისა და აზერბაიჯანის წამყვანი უნივერსიტეტების დელეგაციებს უმასპინძლა

13 ივლისს, საქართველოს ტექნიკურ უნივერსიტეტში მიმდინარე საერთაშორისო ვიზიტების ფარგლებში, უცხოელი სტუმრები სამთო-გეოლოგიურ და მთის მდგრადი განვითარების ფაკულტეტს ეწვივნენ. 

დელეგაციის წევრებმა დეტალურად დაათვალიერეს ფაკულტეტის უნიკალური სასწავლო-სამეცნიერო ბაზა, თანამედროვე ლაბორატორიები და მუზეუმები.

ფაკულტეტს ესტუმრნენ ჩინეთის (შენსი) ჩრდილო-დასავლეთის სასოფლო და სატყეო მეურნეობის უნივერსიტეტის წარმომადგენლები - პროფესორი ვეი ფენგი (Wei Feng), გუო ჟინგუანი (Guo Jingyuan) და რენ ქსიაოქსიუნი (Ren Xiaoxuan).

მინგეჩაურის (აზერბაიჯანი) უნივერსიტეტის წარმომადგენლები - სამირა აჰმადოვა (Samira Ahmadova), აიდა მუსტაფაევა (Aida Mustafayeva) და აინურ გულიევა (Aynur Guliyeva).

საქართველოს ტექნიკური უნივერსიტეტი და სამთო-გეოლოგიური და მთის მდგრადი განვითარების ფაკულტეტი აქტიურად აგრძელებენ საერთაშორისო თანამშრომლობის გაღრმავებას და ახალი შესაძლებლობების შექმნას სტუდენტებისა და მკვლევრებისთვის.