02/07/2026
ფაკულტეტის მუზეუმებს ისრაელიდან მინერალოგიითა და ქანების კვლევით დაინტერესებული სტუმრები ეწვივნენ
ვიზიტის ფარგლებში მათ დაათვალიერეს მუზეუმებში დაცული უნიკალური ექსპონატები, რომლებიც კავკასიისა და მსოფლიოს სხვადასხვა რეგიონის უმდიდრეს გეოლოგიურ მემკვიდრეობას ასახავს. სტუმრებმა განსაკუთრებული აღფრთოვანება გამოხატეს მინერალებისა და იშვიათი ქანების კოლექციების მიმართ, რომლებსაც როგორც სამეცნიერო, ისე ისტორიული თვალსაზრისით უდიდესი ღირებულება აქვს.
აღსანიშნავია, რომ სამთო-გეოლოგიური და მთის მდგრადი განვითარების ფაკულტეტის უნიკალური მუზეუმები მუდმივად აქტიურ რეჟიმში მუშაობს და ღიაა ნებისმიერი დაინტერესებული პირისთვის. საგამოფენო სივრცეები ყოველდღიურად მასპინძლობს ვიზიტორთა ფართო აუდიტორიას.
სტუმრებმა გულთბილი მასპინძლობისთვის, მაღალი პროფესიონალიზმისა და დაუვიწყარი შთაბეჭდილებებისთვის ფაკულტეტის ადმინისტრაციას განსაკუთრებული მადლობა გადაუხადეს.