თბილისის სკოლების შემეცნებითი ვიზიტი სამთო-გეოლოგიურ და მთის მდგრადი განვითარების ფაკულტეტზე

8 ივნისს, სამთო-გეოლოგიურ და მთის მდგრადი განვითარების ფაკულტეტმა თბილისის სხვადასხვა საჯარო და კერძო სკოლის უფროსკლასელებს უმასპინძლა. საგანმანათლებლო ტურის ფარგლებში, მოსწავლეებმა უნიკალური შესაძლებლობა მიიღეს, სასკოლო პროგრამით გათვალისწინებული თეორიული მასალა და გეოლოგიური პროცესები რეალურ ექსპონატებზე, პრაქტიკულ ჭრილში განეხილათ.

მოსწავლეები დედამიწის განვითარების მრავალსაუკუნოვან ეტაპებს გაეცნენ და მილიონობით წლის წინანდელი ნამარხი ორგანიზმების უნიკალური კოლექცია დაათვალიერეს, ასევე  მოინახულეს ამიერკავკასიაში ერთ-ერთი საუკეთესო კოლექცია, რომელიც მსოფლიოს სხვადასხვა წამყვანი საბადოს იშვიათ მინერალებსა და ქანებს აერთიანებს.