წყლის საერთაშორისო დღესთან დაკავშირებით გამართულ ფოტოკონკურსი - "წყალი მშვიდობისა და მდგრადი განვითარებისათვის"

სამთო-გეოლოგიური ფაკულტეტის მაგისტრანტმა ნინო ნოზაძემ, 22 მარტს, წყლის საერთაშორისო დღესთან დაკავშირებით გამართულ ფოტოკონკურსში - "წყალი მშვიდობისა და მდგრადი განვითარებისათვის" - გაიმარჯვა და პირველი ადგილი დაიკავა.
ფოტოკონკურსი სტუ-ს მთის მდგრადი განვითარების ფაკულტეტის ორგანიზებით ჩატარდა.
ნინო სამაგისტრო ნაშრომს ჰიდროგეოლოგიის მიმართულებით ამზადებს და ფოტოკონკურსში წარდგენილი ნამუშევარიც სწორედ მიწისქვეშა წყლის რესურსებს დაუკავშირა.

სურათი კ️ახეთის მხარეში, ლაგოდეხის მუნიციპალიტეტის სოფ. ჩადუნიანში არის გადაღებული. მასზე აღბეჭდილია ჭაბურღილიდან მტკნარი სასმელი წყლის მოპოვება, რომელიც ერთის მხრივ, კარგად ასახავს სასმელი წყლის სასიცოცხლო მნიშვნელობას, ხოლო მეორეს მხრივ ზუსტად გამოხატავს წყლის რესურსების მოპოვების არსებულ მდგომარეობას არა მხოლოდ კახეთის მხარეში, არამედ ჩვენი ქვეყნის სინამდვილეში.

ვხედავთ რა, ჩვენს გარშემო წყალს, ხშირად გვავიწყდება მისი უდიდესი მნიშვნელობა ადამიანების ჯანმრთელობისა და კეთილდღეობისათვის, ასევე, ქვეყნებს შორის მშვიდობისათვის.
წყლის რესურსების დაცვა თითოეული ჩვენგანის ვალდებულებაა, რათა მომავალ თაობებს ჰქონდეთ საშუალება ისარგებლონ სათანადო ხარისხისა და საჭირო რაოდენობის სასმელი წყლის რესურსით.