სახელმწიფოსგან სრულად დაფინანსებული 36 საბაკალავრო პროგრამა
სტუ-ში სრულად დაფინანსებული 36 საბაკალავრო პროგრამა მოქმედებს, რაც წარმოადგენს სახელმწიფოს სტრატეგიას, პოპულარიზაცია გაუწიოს ქვეყნის განვითარებისთვის საჭირო, მნიშვნელოვან დარგებს.
რას გულისხმობს სახელმწიფოსგან სრულად დაფინანსებულ პროგრამები (პრიორიტეტული პროგრამები)?
თუ აბიტურიენტი გადაწყვეტს სტუ-ის პრიორიტეტული პროგრამებიდან ერთ-ერთზე ჩაბარებას, მას სახელმწიფო გრანტის მოპოვებაზე ფიქრი აღარ სჭირდება, რადგან ეს პროგრამები სახელმწიფო გრანტის მოპოვების გარეშეც, სრულიად უფასოა.
რა არის საჭირო, იმისათვის რომ სტუდენტმა სრული დაფინანსება შეინარჩუნოს?
თუ სახელმწიფო გრანტი გარანტირებულად 4 წელი მოქმედებს და მისი დაკარგვის საფრთხე სტუდენტს სწავლის დასრულებამდე არ ემუქრება, სახელმწიფოსგან სრულად დაფინანსებული პროგრამების დაფინანსება ყოველწლიურად იხედება.
იმისათვის, რომ სტუდენტმა სრულად დაფინანსებული პროგრამის საბაკალავრო დიპლომი მიიღოს, პირველ კურსზე 60-დან მინიმუმ 45 კრედიტი უნდა მოაგროვოს, რაც სასწავლო კურსების დაახლოებით ¾-ს ფარავს. მესამე კურსის დახურვის შემდეგ კი, მისი კრედიტების ოდენობა 180-ს უნდა შეადგენდეს.
2024-2025 სასწავლო წელს სახელმწიფოსგან სრულად დაფინანსებული, აკრედიტებული პროგრამების ჩამონათვალი:
მშენებლობა
პროგრამის მიზანია, მშენებლობის ინჟინერიის დარგში მოამზადოს მდგრადი მშენებლობის სისტემური და სიღრმისეული ცოდნის მქონე, მაღალი კვალიფიკაციის სპეციალისტი.
ვაკანტური ადგილების რაოდენობა- 5 ადგილი
პროგრამის მოცულობა - 240 კრედიტი
სწავლების ენა- ქართული
მისანიჭებელი კვალიფიკაცია - მშენებლობის ინჟინერიის ბაკალავრი
პროგრამაზე ჩასაბარებელი მე-3 სავალდებულო საგანი - ფიზიკა ან მათემატიკა.
უცხო ენა: ფრანგული, ინგლისური, გერმანული, რუსული.
სამოქალაქო ინჟინერია
სამოქალაქო ინჟინერია (პრიორიტეტული პროგრამა აკრედიტებული)
საბაკალავრო პროგრამის მიზანია, სამოქალაქო ინჟინერიის ფუნდამენტური მეცნიერული საკითხების გააზრებით, აღზარდოს პრაქტიკოსი და ინოვატორი ინჟინერები, რომლებიც შეძლებენ წვლილი შეიტანონ სამოქალაქო ინჟინერიის სფეროს სოციალური, ტექნიკური და ბიზნეს გამოწვევების დაძლევაში.
სწავლების ენა - ქართული.
პროგრამის მოცულობა - 240 კრედიტი
მისანიჭებელი კვალიფიკაცია - მეცნიერების ბაკალავრი სამოქალაქო ინჟინერიაში.
პროგრამაზე ჩასაბარებელი მე-3 სავალდებულო საგანი: ფიზიკა ან მათემატიკა.
უცხო ენა: ფრანგული, ინგლისური, გერმანული, რუსული.
ენერგეტიკა და ელექტროინჟინერია
ენერგეტიკა და ელექტროინჟინერია (პრიორიტეტული პროგრამა, აკრედიტებული)
პროგრამის მიზანია - მისცეს სტუდენტს ფართო ცოდნა თბური და ელექტრული ენერგიების წარმოების, გადაცემის, განაწილების, მოხმარებისა და სხვა ენერგიებად გარდაქმნის თანამედროვე ტექნოლოგიებში, რომელიც მოიცავს ზოგად საინჟინრო განათლებას, თბური, ჰიდრო და ელექტროენერგეტიკული დანადგარების, ელექტრული სადგურებისა და ქვესადგურების, ელექტრული მანქანებისა და აპარატების, ელექტროტექნიკური მასალების, ენერგოეფექტური ტექნოლოგიების და მათში შემავალი ელემენტებისა და კვანძების დაპროექტებას, მონტაჟს, გამართვას, გამოცდასა და ექსპლუატაციას, ეკონომიკურ და ეკოლოგიურ ასპექტებს; ჩამოუყალიბოს საინჟინრო-პრაქტიკული უნარები სამრეწველო და კომერციულ საწარმოებში არსებული ამოცანებისა და პრობლემების გადასაჭრელად, ასევე საყოფაცხოვრებო პირობებში ელექტროგაყვანილობისა და ელექტრომოწყობილობების დაყენების, შენარჩუნების, შეკეთების და ხარვეზის დიაგნოსტირების გასახორციელებლად.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - ენერგეტიკის და ელექტროინჟინერიის ბაკალავრი.
პროგრამაზე ჩასაბარებელი მე-3 სავალდებულო საგანი - ფიზიკა ან მათემატიკა.
უცხო ენა: ფრანგული, ინგლისური, გერმანული, რუსული.
ელექტრული და ელექტრონული ინჟინერია
ელექტრული და ელექტრონული ინჟინერია (პრიორიტეტული - აკრედიტებული)
პროგრამის მიზანია, შრომის ბაზრის მოთხოვნების შესაბამისად, მოამზადოს სტუდენტები წარმატებული კარიერისთვის ელექტროტექნიკურ და ელექტრონულ ინდუსტრიაში და წაახალისოს ისინი უმაღლესი განათლების მიღების სრულყოფისათვის; უზრუნველყოს ფართო ცოდნით საბუნებისმეტყველო მეცნიერებებსა და მათემატიკაში, რომლებიც აუცილებელია ელექტრული და ელექტრონული პრობლემების ფორმულირების, ამოხსნისა და ანალიზისათვის; აღჭურვოს სტუდენტი ელექტრული და ელექტრონული ინჟინერიის სფეროს თეორიული საფუძვლების ფართო ცოდნით, რომელიც მოიცავს თეორიებისა და პრინციპების კრიტიკულ გააზრებას; განუვითაროს კომპლექსური საინჟინრო პრობლემების იდენტიფიცირების, მათი გადაჭრის გზების მოძიების, ელექტრომოწყობილობების ეფექტური ფუნქციონირების უზრუნველყოფის უნარები საინჟინრო პრინციპების გამოყენებით: ელექტრული წრედების ანალიზის, ელექტრომაგნიტური ველის თეორიის, ელექტრული სისტემების, მართვის მიკროპროცესორული სისტემების, ელექტრული ენერგიის გარდაქმნის (ელექტრული მანქანების), ელექტრული და ელექტრონული მოწყობილობების დიაგნოსტიკის, ელექტრონიკის საფუძვლების და ენერგეტიკული ელექტრონიკის, საინჟინრო პროექტების მართვის და მათი ენერგეტიკულ სისტემებში გამოყენების სფეროებში. უზრუნველყოს სტუდენტების ინფორმირებულობის გაზრდა უწყვეტი სწავლისა და საქმიანობაში პროფესიული ეთიკის დაცვის მიზნით, შეუქმნას ელექტრულ და ელექტრონულ ინჟინერიაში პროგრამირების კომპიუტერული პლატფორმებისა და პროგრამული უზრუნველყოფის საჭირო საფუძველი, ასევე მისცეს ინფორმაციული უსაფრთხოების (კიბერუსაფრთხოების) დაცვის პრინციპებისა და მეთოდების ცოდნა, ტექნოლოგიის შესაბამის სფეროში.
ფასიანი პროგრამა, სწავლის საფასური - 2250 ლარი.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - მეცნიერების ბაკალავრი ელექტრულ და ელეტრონულ ინჟინერიაში.
პროგრამაზე ჩასაბარებელი მე-3 სავალდებულო საგანი - მათემატიკა ან ფიზიკა.
უცხო ენა: ინგლისური.
გეოლოგია
ენერგეტიკა და ელექტროინჟინერია (პრიორიტეტული პროგრამა, აკრედიტებული)
პროგრამის მიზანია - მისცეს სტუდენტს ფართო ცოდნა თბური და ელექტრული ენერგიების წარმოების, გადაცემის, განაწილების, მოხმარებისა და სხვა ენერგიებად გარდაქმნის თანამედროვე ტექნოლოგიებში, რომელიც მოიცავს ზოგად საინჟინრო განათლებას, თბური, ჰიდრო და ელექტროენერგეტიკული დანადგარების, ელექტრული სადგურებისა და ქვესადგურების, ელექტრული მანქანებისა და აპარატების, ელექტროტექნიკური მასალების, ენერგოეფექტური ტექნოლოგიების და მათში შემავალი ელემენტებისა და კვანძების დაპროექტებას, მონტაჟს, გამართვას, გამოცდასა და ექსპლუატაციას, ეკონომიკურ და ეკოლოგიურ ასპექტებს; ჩამოუყალიბოს საინჟინრო-პრაქტიკული უნარები სამრეწველო და კომერციულ საწარმოებში არსებული ამოცანებისა და პრობლემების გადასაჭრელად, ასევე საყოფაცხოვრებო პირობებში ელექტროგაყვანილობისა და ელექტრომოწყობილობების დაყენების, შენარჩუნების, შეკეთების და ხარვეზის დიაგნოსტირების გასახორციელებლად.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - ენერგეტიკის და ელექტროინჟინერიის ბაკალავრი.
პროგრამაზე ჩასაბარებელი მე-3 სავალდებულო საგანი - ფიზიკა ან მათემატიკა.
უცხო ენა: ფრანგული, ინგლისური, გერმანული, რუსული.
სამთო და გეოინჟინერია
სამთო და გეოინჟინერია (პრიორიტეტული პროგრამა, აკრედიტებული)
პროგრამის მიზანია, დარგის იმ პრაქტიკული ასპექტების ათვისება, როგორიცაა: მყარი, თხევადი და აირადი სასარგებლო წიაღისეულის საბადოების ძებნა-ძიება, საბადოთა დამუშავების და გადამუშავების ტექნოლოგიები, საშახტო და მიწისქვეშა მშენებლობა, სამთო საწარმოთა ავტომატიზაცია, სამთო ელექტრომექანიკა, ტრანსპორტი, მანქანები და დანადგარები, სამთო სამუშაოების დაგეგმვა, ნავთობისა და გაზის საბადოების ძებნა-ძიება, დამუშავება, ნავთობგაზსადენების და ნავთობგაზსაცავების ექსპლუატაცია, ტრანსპორტირება და შენახვა, შრომის უსაფრთხოება და დაცვა.
პროგრამის მოცულობა - 240 კრედიტი
მისანიჭებელი კვალიფიკაცია - სამთო და გეოინჟინერიის ბაკალავრი
სწავლების ენა - ქართული
პროგრამაზე ჩასაბარებელი მე-3 სავალდებულო საგანი - მათემატიკა, გეოგრაფია ან ფიზიკა.
უცხო ენა: ფრანგული, ინგლისური, გერმანული, რუსული.
საინჟინრო გეოდეზია
საინჟინრო გეოდეზია (პრიორიტეტული პროგრამა, აკრედიტებული)
პროგრამის მიზანია, მოამზადოს ბაკალავრი, რომელიც შეძლებს გეოდეზიური სამუშაოების შესრულებას საინჟინრო ობიექტების მშენებლობის სხვადასხვა სტადიაზე: საინჟინრო ობიექტების მიმოკვლევის, პროექტის ნატურაში გადატანის (დაკვალვის), მშენებლობისას გეომეტრიული პარამეტრების კონტროლისა და დეფორმაციებზე დაკვირვების, აგრეთვე საყრდენი გეოდეზიური ქსელების დაპროექტებისა და სიზუსტის შეფასებისას.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - საინჟინრო გეოდეზიისა და გეოინფორმატიკის ბაკალავრი.
პროგრამაზე ჩასაბარებელი მე-3 სავალდებულო საგანი - მათემატიკა, გეოგრაფია ან ფიზიკა.
უცხო ენა: ფრანგული, ინგლისური, გერმანული, რუსული.
საინჟინრო უსაფრთხოება და საგანგებო სიტუაციების მართვა
საინჟინრო უსაფრთხოება და საგანგებო სიტუაციების მართვა (პრიორიტეტული პროგრამა, აკრედიტებული)
საბაკალავრო პროგრამის მიზანია, კონკურენტუნარიანი სპეციალისტების მომზადება, რომელთაც ექნებათ შესაბამისი ცოდნა და პრაქტიკული უნარები საწარმოო უსაფრთხოებისა და ჯანმრთელობის დაცვის უზრუნველსაყოფად.
ვაკანტური ადგილების რაოდებონა - 4 ადგილი
პროგრამის მოცულობა - 240 კრედიტი
სწავლების ენა- ქართული
მისანიჭებელი კვალიფიკაცია - პროფესიული უსაფრთხოების ბაკალავრი.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
ქიმიური და ბიოლოგიური ინჟინერია
ქიმიური და ბიოლოგიური ინჟინერია (პრიორიტეტული პროგრამა, აკრედიტებული)
პროგრამის მიზანია, მოამზადოს საინჟინრო საქმიანობაზე ორიენტირებული სპეციალისტი. სტუდენტს მისცეს საბაზისო ცოდნა ქიმიური და ბიოლოგიური ინჟინერიის სფეროში ტექნოლოგიური პროცესების გაცნობიერების, წარმოქმნილი პრობლემებისა და ამოცანების გაგებისა და მათი პრაქტიკული რეალიზაციისათვის.
ვაკანტური ადგილების რაოდენობა - 13 ადგილი
პროგრამის მოცულობა - 240 კრედიტი
სწავლების ენა- ქართული
მისანიჭებელი კვალიფიკაცია - ქიმიური და ბიოლოგიური ინჟინერიის ბაკალავრი
პროგრამაზე ჩასაბარებელი მე-3 სავალდებულო საგანი - მათემატიკა, ფიზიკა, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
ქიმია
ქიმია (პრიორიტეტული პროგრამა, აკრედიტებული)
ბაკალავრიატის საგანმანათლებლო პროგრამის მიზანია, სტუდენტს შეასწავლოს ქიმიის ძირითადი ცნებები, კანონები და კანონზომიერებები. ელემენტებისა და ქიმიური ნაერთების, მარტივი და რთული ნივთიერებების ფიზიკურ-ქიმიური თვისებები; ქიმიური პროცესების მიმდინარეობის პირობების შეფასება და მათი მიმართულების პროგნოზირება - დაგეგმვა.
ვაკანტური ადგილების რაოდენობა - 11 ადგილი
სწავლების ენა - ქართული
პროგრამის მოცულობა - 240 კრედიტი
მისანიჭებელი კვალიფიკაცია - ქიმიის ბაკალავრი
პროგრამაზე ჩასაბარებელი მე-3 სავალდებულო საგანი- მათემატიკა, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
მეტალურგია
მეტალურგია (პრიორიტეტული პროგრამა, აკრედიტებული)
მეტალურგიის საბაკალავრო პროგრამის მიზანია, სტუდენტს მისცეს ცოდნა- შავი ლითონების, შენადნობების, კერძოდ: თუჯების, ფოლადების (ჩვეულებრივი ნახშირბადიანი, ხარისხოვანი, ლეგირებული, უჟანგავი და სხვა სახის სპეციალური ფოლადები), ფეროშენადნობების - ფერომანგანუმის, ფეროსილიციუმის, ფეროქრომის, ფეროვანადიუმის – მეტალურგიაში; ფერადი ლითონების და მასალების კერძოდ: მძიმე, მსუბუქი, კეთილშობილი, იშვიათი ლითონებისა და მათი შენადნობების მეტალურგიაში; მეორეული ლითონების მეტალურგიაში - ჯართისა და საწარმოო ნარჩენების გადამუშავება-უტილიზაცია; მეტალურგიულ ღუმლების თბური მუშაობის და კონსტრუქციის გაანგარიშების და დაპროექტების შესახებ.
ვაკანტური ადგილების რაოდენობა - 8 ადგილი
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - ინჟინერიის ბაკალავრი მეტალურგიაში
პროგრამაზე ჩასაბარებელი მე-3 სავალდებულო საგანი- მათემატიკა, ფიზიკა ან ქიმია.
უცხო ენა: ფრანგული, ინგლისური, გერმანული, რუსული.
მასალათმცოდნეობა
მასალათმცოდნეობა (პრიორიტეტული პროგრამა, აკრედიტებული)
საგანმანათლებლო პროგრამის მიზანია, მოამზადოს თანამედროვე მოთხოვნების შესაბამისი, კონკურენტუნარიანი, საინჟინრო განათლების საფუძვლების მქონე და პრაქტიკულ საქმიანობაზე ორიენტირებული ბაკალავრი, მასალათმცოდნეობისა და მასალათა დამუშავების სფეროში.
შეასწავლოს მასალათმცოდნეობის საფუძვლები, ლითონური და არალითონური მასალების აგებულება, ფიზიკო-მექანიკური თვისებები და ქიმიურ შედგენილობასა, სტრუქტურასა და თვისებებს შორის კავშირი.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - ინჟინერიის ბაკალავრი მასალათმცოდნეობაში
პროგრამაზე ჩასაბარებელი მე-3 სავალდებულო საგანი- მათემატიკა, ფიზიკა ან ქიმია.
უცხო ენა: ფრანგული, ინგლისური, გერმანული, რუსული.
გარემოსდაცვითი ინჟინერია
გარემოსდაცვითი ინჟინერია (პრიორიტეტული პროგრამა, აკრედიტებული)
საბაკალავრო პროგრამის მიზანია, სტუდენტი უზრუნველყოს დარგისათვის საჭირო უნარ-ჩვევებითა და პროფესიული კომპეტენციებით; შეასწავლოს გარემოს ობიექტების ხარისხის ნორმატივები, მასზე მოქმედ მავნე ნივთიერებათა, აგრეთვე ბუნებრივი და ანთროპოგენული ფაქტორების ზეგავლენით გამოწვეული ბიოსფეროს წონასწორობის რღვევა და კლიმატური ცვლილებები.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - გარემოსდაცვითი ინჟინერია
პროგრამაზე ჩასაბარებელი მე-3 სავალდებულო საგანი - მათემატიკა, ფიზიკა, ქიმია ან გეოგრაფია.
უცხო ენა: ფრანგული, ინგლისური, გერმანული, რუსული.
ტრანსპორტი
ტრანსპორტი (პრიორიტეტული პროგრამა, აკრედიტებული)
პროგრამის მიზანია, მოამზადოს ტრანსპორტის სფეროს ფართო თეორიული ცოდნითა და პრაქტიკული უნარებით აღჭურვილი სპეციალისტი სახმელეთო სატრანსპორტო საშუალებების (საავტომობილო, სარკინიგზო) ხარვეზების დიაგნოსტიკის პროცესში მონაწილეობისათვის;
შესძინოს კურსდამთავრებულს სახმელეთო სატრანსპორტო საშუალებების შენარჩუნების, რემონტისა და მომსახურების სამუშაოების, დადგენილი პროცედურებისა და მითითებების შესაბამისად, წარმართვის უნარები შრომის, მოძრაობისა და ეკოლოგიური უსაფრთხოების პრინციპების გათვალისწინებით;
ქვეყანაში ტრანსპორტის პრიორიტეტულობისა და შრომის ბაზრის მოთხოვნათა გათვალისწინებით შეუქმნას კურსდამთავრებულს მყარი საფუძველი სწავლის შემდგომ საფეხურზე გაგრძელებისა და უწყვეტი პროფესიული განვითარებისთვის.
ვაკანტური ადგილების რაოდენობა - 5 ადგილი
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - ტრანსპორტის ინჟინერიის ბაკალავრი
პროგრამაზე ჩასაბარებელი მე-3 სავალდებულო საგანი - ფიზიკა ან მათემატიკა
უცხო ენა: ფრანგული, ინგლისური, გერმანული, რუსული
საკვები პროდუქტების გადამუშავება და სამაცივრო ტექნოლოგია
საკვები პროდუქტების გადამუშავება და სამაცივრო ტექნოლოგია (პრიორიტეტული - აკრედიტებული)
პროგრამის მიზანია, მოამზადოს შრომის ბაზარზე კონკურენტუნარიანი, მაღალკვალიფიციური, თეორიული ცოდნით და პრაქტიკული უნარებით აღჭურვილი, ინჟინერიის ბაკალავრი სასურსათო ტექნოლოგიაში, რომელსაც ეცოდინება საკვები პროდუქტების და სასმელების გადამუშავების და შეფუთვის ტექნოლოგიური პროცესების წარმართვა ხარისხის და უვნებლობის ნორმების დაცვით, თანამედროვე ტექნოლოგიურ პროცესებში ცივად შენახვის და დისტრიბუციისას გამოყენებული ტექნოლოგიის შერჩევა, დაპროექტება და ექსპლუტაცია.
ფასიანი პროგრამა, სწავლის საფასური - 2250 ლარი.
სწავლების ენა - ქართული
პროგრამის მოცულობა - 240 კრედიტი
მისანიჭებელი კვალიფიკაცია - ინჟინერიის ბაკალავრი სასურსათო ტექნოლოგიაში.
პროგრამაზე ჩასაბარებელი მე- 3 სავალდებულო საგანი - მათემატიკა, ფიზიკა, ქიმია, ბიოლოგია ან ისტორია.
უცხო ენა: ფრანგული, ინგლისური, გერმანული, რუსული.
ლოგისტიკა
ლოგისტიკა (პრიორიტეტული - აკრედიტებული)
საბაკალავრო პროგრამის მიზანი შეესაბამება უსდ-ის და ფაკულტეტის მისიას, მიზნებსა და სტრატეგიას, ადგილობრივი შრომის ბაზრის მოთხოვნებსა და საერთაშორისო ბაზრის ტენდენციებს, ორიენტირებულია „საინჟინრო ლოგისტიკის “ ბაკალავრის მომზადებაზე, რომელიც წვლილს შეიტანს საკუთარი კომპეტენციის ფარგლებში:
მიზანი 1. წარმოებაში ლოგისტიკის ძირითადი პრინციპების დანერგვაში;
მიზანი 2. შიგასაწარმოო სატრანსპორტო პროცესების დაგეგმარებაში;
მიზანი 3. ლოგისტიკური პრობლემების იდენტიფიცირების და მათი გადაჭრის გზების მოძიებაში;
მიზანი 4. სატრანსპორტო და ლოგისტიკური სისტემების დაგეგმარებასა და ოპერირებაში;
მიზანი 5. სასაწყობო სისტემების დაგეგმარებასა და პროექტის მენეჯმენტში;
მიზანი 6. სასაწყობო და სადისტრიბუციო ცენტრების ტექნიკურ-ეკონომიკური მონაცემების შეგროვებასა და სიტუაციების ანალიზში;
მიზანი 7. ინვესტიციებისა და საოპერაციო დანახარჯების კალკულაციაში;
მიზანი 8. ლოგისტიკური პროცესების დაგეგმვასა და განხორციელებაში.
ვაკანტური ადგილების რაოდენობა - 25 ადგილი
ფასიანი პროგრამა, სწავლის საფასური - 2250 ლარი.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - საინჟინრო ლოგისტიკის ბაკალავრი
პროგრამაზე ჩასაბარებელი მე-3 სავალდებულო საგანი - მათემატიკა
უცხო ენა: ფრანგული, ინგლისური, გერმანული, რუსული.
სამრეწველო ინჟინერია და ტექნოლოგია
სამრეწველო ინჟინერია და ტექნოლოგია (პრიორიტეტული პროგრამა, აკრედიტებული)
პროგრამის მიზანია, ქვეყანაში მრეწველობის პრიორიტეტულობისა და შრომის ბაზრის მოთხოვნათა გათვალისწინებით მოამზადოს სფეროში არსებული თეორიული ცოდნისა და პრაქტიკული უნარების მქონე სამრეწველო ინჟინერიისა და ტექნოლოგიის ბაკალავრი:
მიზანი 1. სამრეწველო ტექნოლოგიური პროცესების წარმართვისთვის, შრომის, სიცოცხლისა და ეკოლოგიური უსაფრთხოების პრინციპების დაცვით;
მიზანი 2. სამრეწველო საწარმოების დაგეგმვასა და მონიტორინგში მონაწილეობის მიღებისთვის, ინდუსტრიული განვითარების გათვალისწინებით;
მიზანი 3. ტექნოლოგიური პროცესების მანქანა-დანადგარების და მოწყობილობების ექსპლუატაციისა და რემონტის სამუშაოების შესრულებისათვის.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - სამრეწველო ინჟინერიისა და ტექნოლოგიის ბაკალავრი.
პროგრამაზე ჩასაბარებელი მე-3 სავალდებულო საგანი- მათემატიკა ან ქიმია
უცხო ენა: ფრანგული, ინგლისური, გერმანული, რუსული.
მექანიკის ინჟინერია და ტექნოლოგია
მექანიკის ინჟინერია და ტექნოლოგია (პრიორიტეტული პროგრამა, აკრედიტებული)
საგანმანათლებლო პროგრამის მიზანია, საქართველოს ტექნიკური უნივერსიტეტის მისიის შესაბამისად ადგილობრივ და საერთაშორისო შრომის ბაზარზე კონკურენტუნარიანი მექანიკის ინჟინერიის და ტექნოლოგიის დარგში ბაკალავრების მომზადება, რომლებიც შესაბამისი ცოდნის და პრაქტიკული უნარის საფუძველზე, განახორციელებენ წარმოების ყველა დარგისათვის სხვადასხვა ფუნქციონალური დანიშნულების მანქანა-დანადგარების, მოწყობილობებისა და ცალკეული ნაკეთობების პროექტირებას, წარმოების ტექნოლოგიის განვითარებას, შენარჩუნებას და რემონტს.
ვაკანტური ადგილების რაოდენობა - 16 ადგილი
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - მექანიკის ინჟინერიის და ტექნოლოგიის ბაკალავრი.
პროგრამაზე ჩასაბარებელი მე-3 სავალდებულო საგანი - ფიზიკა ან მათემატიკა.
უცხო ენა: ფრანგული, ინგლისური, გერმანული, რუსული.
არქიტექტურა
არქიტექტურა (პრიორიტეტული პროგრამა, აკრედიტებული)
პროგრამის მიზანია, არქიტექტურის საფუძვლების, მისი არსის, განვითარების კანონზომიერებების, დაპროექტების ძირითადი პრინციპების და მეთოდების მცოდნე შემოქმედებითი და სივრცული აზროვნების მქონე სპეციალისტის მომზადება.
სწავლების ენა - ქართული
პროგრამის მოცულობა - 240 კრედიტი
მისანიჭებელი კვალიფიკაცია - არქიტექტურის ბაკალავრი
პროგრამაზე ჩასაბარებელი მე-3 სავალდებულო საგანი - ფიზიკა ან მათემატიკა.
უცხო ენა: ფრანგული, ინგლისური, გერმანული, რუსული.
მათემატიკა
მათემატიკა (პრიორიტეტული პროგრამა, აკრედიტებული)
ბაკალავრიატის საგანმანათლებლო პროგრამის „მათემატიკა“ მიზანია, სტუდენტს მისცეს ცოდნა მათემატიკის ფართო სპექტრის საკითხებში და განუვითაროს შესაბამისი უნარ-ჩვევები, რომელთა გამოყენებით შეეძლება მათემატიკასა და სხვადასხვა დარგში თეორიული და პრაქტიკული პრობლემების გაცნობიერება, გაანალიზება, მათემატიკური მოდელირება, სტანდარტული მეთოდებით გადაწყვეტა და სათანადო დასკვნის გაკეთება.
ვაკანტური ადგილების რაოდენობა - 11 ადგილი
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - მათემატიკის ბაკალავრი
უცხო ენა - გერმანული, ინგლისურ, ფრანგული, რუსული.
პროგრამაზე ჩასაბარებელი მე-3 სავალდებულო საგანი - მათემატიკა ან ფიზიკა.
საინჟინრო ფიზიკა
საინჟინრო ფიზიკა (პრიორიტეტული პროგრამა, აკრედიტებული)
საინჟინრო ფიზიკის საგანმანათლებლო პროგრამის მიზანია , ბაკალავრს მისცეს სიღრმისეული ცოდანა იმ დარგების მიმართულებით , როგორიცაა: ფიზიკური ინფორმატიკა, სამედიცინო ფიზიკა და ადამიანისა და გარემოს რადიაციული უსაფრთხოება, მიკროელექტრონიკა და ოპტოელექტრონიკა, ფიზიკა-ტექნიკური ექსპერტიზა და ტექნიკური დიაგნოსტიკა.
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - საინჟინრო ფიზიკის ბაკალავრი.
პროგრამაზე ჩასაბარებელი მე-3 სავალდებულო საგანი - მათემატიკა ან ფიზიკა.
უცხო ენა - გერმანული, ინგლისურ, ფრანგული, რუსული.
ბიოსამედიცინო ინჟინერია
ბიოსამედიცინო ინჟნერია (პრიორიტეტული პროგრამა, აკრედიტებული)
პროგრამის მიზანია, მოამზადოს ბიოსამედიცინო ინჟინერიის ისეთი სპეციალისტები, რომლებიც შეძლებენ სამედიცინო ტექნიკის და სამედიცინო საინფორმაციო ტექნოლოგიების კომპლექსური საკითხების გადაწყვეტას. გარდა ამისა, კურსდამთავრებულებს შეეძლებათ ჯანდაცვის სპეციალისტებთან ერთად გუნდური მუშაობით, სამედიცინო ტექნიკისა და ტექნოლოგიების გამოყენებით სამედიცინო მომსახურების მაღალი ხარისხი უზრუნველყონ.
ვაკანტური ადგილების რაოდენობა - 7 ადგილი
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია- მეცნიერების ბაკალავრი ბიოსამედიცინო ინჟინერიაში.
პროგრამაზე ჩასაბარებელი მე-3 სავალდებულო საგანი - მათემატიკა, ფიზიკა ან ბიოლოგია.
უცხო ენა - გერმანული, ინგლისურ, ფრანგული, რუსული.
მართვის სისტემები, ავტომატიზაცია და ტესტ-ინჟინერინგი
მართვის სისტემები, ავტომატიზაცია და ტესტ-ინჟინერინგი (პრიორიტეტული პროგრამა, აკრედიტებული)
საგანმანათლებლო პროგრამის მიზანია მართვის სისტემების, ავტომატიზაციისა და ტესტ-ინჟინერინგის დარგში შრომის თავისუფალ ბაზარზე კონკურენტუნარიანი კადრების მომზადება, რისთვისაც აუცილებელია: ავტომატური მართვის, საზომი-სადიაგნოსტიკო სისტემებისა და მათში შემავალი ელემენტებისა და კვანძების დაპროექტებისა და ექსპლუატაციის, კონტროლისა და მართვის პრინციპების, ანალიზისა და სინთეზის მეთოდების შესწავლა თანამედროვე კომპიუტერული და ინფორმაციული ტექნოლოგიების ბაზაზე, რომელიც მიმართულია წარმოების ნებისმიერ სფეროში შრომის ნაყოფიერების გაზრდისა და გამოსაშვები პროდუქციის ხარისხის გაუმჯობესებისაკენ.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - ხელსაწყოთმშნებლობის, ავტომატიზაციის და მართვის სისტემების ინჟინერიის ბაკალავრი.
პროგრამაზე ჩასაბარებელი მე-3 სავალდებულო საგანი - მათემატიკა ან ფიზიკა.
უცხო ენა - ინგლისური, გერმანული, ფრანგული, რუსული
ციფრული სატელეკომუნიკაციო ტექნოლოგიები
ციფრული სატელეკომუნიკაციო ტექნოლოგიები (პრიორიტეტული პროგრამა, აკრედიტებული)
პროგრამის მიზანია მოამზადოს ტელეკომუნიკაციის დარგში შრომის თავისუფალი ბაზრისთვის არსებული ტექნოლოგიური სისტემებისა და ტექნიკური საშუალებების, ელექტრონული მოწყობილობების აგების თეორიის, პროექტირების, ფუნქციონირების პრინციპებისა და ექსპლუატაციის წესების ფართო ცოდნის მქონე კვალიფიციური კადრები.
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - ინჟინერიის ბაკალავრი ტელეკომუნიკაციაში.
პროგრამაზე ჩასაბარებელი მე-3 სავალდებულო საგანი - მათემატიკა ან ფიზიკა.
უცხო ენა - ინგლისური, გერმანული, ფრანგული, რუსული.
აგრარული ტექნოლოგიები
აგრარული ტექნოლოგიები (პრიორიტეტული პროგრამა, აკრედიტებული)
პროგრამის მიზანია მოამზადოს აგრარული ტექნოლოგიის დარგის ბაკალავრი, რომელსაც ექნება აღნიშნული დარგის როგორც თეორიული, ისე პრაქტიკული ცოდნა. შეეძლება სოფლის მეურნეობაში მიღწევების და აგროტექნიკურ ღონისძიებათა კომპლექსის გამოყენება, რაც ხელს შეუწყობს სოფლის მეურნეობის მაღალხარისხიანი პროდუქციის წარმოების სტაბილურ ზრდას, აგროსასურსათო სექტორში კონკურენტუნარიანობის ამაღლებას და სოფლად სიღარიბის დაძლევას, რაც ქვეყნის სტრატეგიულ ხედვას წარმოადგენს.
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - აგრონომიის ბაკალავრი.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
მევენახეობა და ენოლოგია
მევენახეობა და ენოლოგია (პრიორიტეტული პროგრამა, აკრედიტებული)
პროგრამის მიზანია, მოამზადოს მევენახობისა და ენოლოგიის დარგის სპეციალისტები, რომელთაც ვენახის აგრო-ტექნოლოგიური ღონისძიებების, საწარმოში მიმდინარე ტექნოლოგიური და ფიზიკურ-ქიმიური პროცესების გააზრების, მათ წარმართვაში მონაწილეობით მიღებული გამოცდილების საფუძველზე, ექნება ყურძნის მოყვანისა და ღვინის წარმოების სექტორში მოღვაწეობის და კარიერის განვითრების შესაძლებლობა. შეასწავლოს მევენახეობის და ენოლოგიის ძირითადი პრინციპები და ელემენტები, ყურძნიდან ღვინის წარმოების სხვადასხვა მეთოდები, მევენახეობის წარმოებაზე, ღვინის ხარისხზე, შედგენილობაზე მოქმედი ფაქტორები, ყურძნის მოყვანის წესები, წარმოების ეკონომიკური ასპექტები, დარგის რეგულირების ამოცანები და მევენახეობისა და ენოლოგიისათვის დადგენილი მოთხოვნები. მისცეს საწარმოს ლაბორატორიაში მუშაობისათვის საჭირო პრაქტიკული გამოცდილება.
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - აგრარულ მეცნიერებათა ბაკალავრი
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
აგრონომია
აგრონომია (პრიორიტეტული პროგრამა, აკრედიტებული)
პროგრამის მიზანია მოამზადოს მაღალკვალიფიცირებული სპეციალისტი აგრონომიის დარგში, რომელიც საერთაშორისო მეცნიერული და სასწავლო სფეროში ინტეგრირების პირობებში, შეძლებს კონკურენციის გაწევას აგრობიზნესის სექტორში და იქნება ორიენტირებული მომხმარებლის საჭიროებებზე. ექნება პროფესიული, ჰუმანიტარული, სოციალური და ეკონომიური განათლება. შეეძლება აგრონომიის თანამედროვე მიღწევების გამოყენებით დანერგოს და განახორციელოს საკვები, მინდვრის, ბოსტნეული, მრავალწლიანი სასოფლო სამეურნეო კულტურების მოვლა-მოყვანა, მაღალი და ხარისხიანი მოსავლის მისაღებად.
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - აგრონომიის ბაკალავრი
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
სასურსათო ტექნოლოგია
სასურსათო ტექნოლოგია (პრიორიტეტული პროგრამა, აკრედიტებული)
პროგრამის მიზანია მოამზადოს სასურსათო ტექნოლოგიის დარგის სპეციალისტები, რომლებსაც ეცოდინებათ სასურსათო ტექნოლოგიაში პურპროდუქტების, შაქრის, სპირტის, საკონდიტრო, ალკოჰოლური და უალკოჰოლო სასმელების, ხორცისა და რძის პროდუქტების, საკონსერვო წარმოება; სასურსათო პროდუქტთა წარმოების ტექნოლოგიურ სქემები, წარმოებისას მიმდინარე ფიზიკო-ქიმიური პროცესები, გამოყენებული ნადლეულის დახასიათება, სასურსათო პროდუქტების ფიზიკო–ქიმიურ ანალიზი.
ვაკანტური ადგილების რაოდენობა - 3 ადგილი
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - სასურსათო ტექნოლოგიის ბაკალავრი.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ფიზიკა, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
მეცხოველეობა
მეცხოველეობა (პრიორიტეტული პროგრამა, აკრედიტებული)
საგანმანათლებლო პროგრამის მიზანია, მოამზადოს შრომის ბაზარზე კონკურენტუნარიანი და მეცხოველეობის დარგის კვალიფიცირებული ბაკალავრი. სტუდენტს შეასწავლოს; მეცხოველეობის თეორიული და პრაქტიკული საკითხები, ცხოველთა და ფრინველთა მოვლა-შენახვის, მოშენების, კვების, საკვებწარმოების რეპროდუქციის თავისებურებები და სასოფლო სამეურნეო ცხოველთა პროდუქტიულობის გაუმჯობესების გზები.
ვაკანტური ადგილების რაოდენობა - 7 ადგილი
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - მეცხოველეობის ბაკალავრი
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული
ნიადაგისა და წყლის რესურსების ინჟინერია
ნიადაგისა და წყლის რესურსების ინჟინერია (პრიორიტეტული პროგრამა, აკრედიტებული)
პროგრამის მიზანია, მოამზადოს კონკურენტუნარიანი მღალკვალიფიციური საინჟინრო-საპროექტო ცოდნის მქონე დინამიკურად ცვალებად გარემოში ორიენტირებული აგროინჟინერი, როგორც განათლების შემდგომი საფეხურისთვის, ასევე დასაქმების ფართო ბაზრისთვის, რომელსაც ეცოდინება ნიადაგების დაცვა და მისი ნაყოფიერების ამაღლება, ბუნებრივი წყლის რესურსების ხარისხის დაცვა-გაუმჯობესება და ინტეგრირებული მართვა, თანამედროვე აგროსაინჟინრო სისტემების დაპროექტება-ექსპლუატაცია ბუნებრივ-ანთროპოგენური რისკ-ფაქტორების გათვალისწინებით.
ვაკანტური ადგილების რაოდენობა - 3 ადგილი
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - ინჟინერიის ბაკალავრი აგროინჟინერიაში
პროგრამაზე ჩასაბარებელი მე-3 სავალდებულო საგანი - მათემატიკა, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
აგროინჟინერია
აგროინჟინერია (პრიორიტეტული პროგრამა, აკრედიტებული)
საგანმანთლევლო პროგრამის მიზანია, მოამზადოს აგროინჟინერიაში თანამედროვე შრომის ბაზრის მოთხოვნების შესაბამისი კვალიფიციური სპეციალისტი; შეასწავლოს სამანქანო ტექნოლოგიების, აგრეთვე სამელიორაციო სისტემების გამოყენება სოფლის მეურნეობაში; სასოფლო-სამეურნეო კულტურების მორწყვისა და მიწების დაშრობის პროექტების განხორციელება თანამედროვე სამანქანო ტექნოლოგიების გამოყენებით; სასოფლო-სამეურნეო, სამშენებლო და სამელიორაციო მანქანების იდენტიფიცირება და სერვისის ორგანიზება სასოფლო-სამეურნეო და სამელიორაციო სამუშაოების შესასრულებლად; სასოფლო-სამეურნეო და სამელიორაციო სამუშაოების შესასრულებლად შესაბამისი მანქანათა კომპლექსის საექსპლუატაციო პარამეტრების განსაზღვრა და ძირითადი რეგულირებები აგროტექნიკური მოთხოვნების შესაბამისად; შეუქმნას კურსდამთავრებულებს სწავლის შემდგომ საფეხურზე გაგრძელებისა და უწყვეტიპროფესიული განვითარების მყარი საფუძველი, რათა მიღებული განათლებით წვლილი შეიტანონ აგროინჟინერიის სფეროს გამართულ მუშაობაში.
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - ინჟინერიის ბაკალავრი აგროინჟინერიაში
პროგრამაზე ჩასაბარებელი მე-3 სავალდებულო საგანი - მათემატიკა, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული
სატყეო საქმე
სატყეო საქმე (პრიორიტეტული პროგრამა, აკრედიტებული)
პროგრამის მიზანია, მოამზადოს სატყეო საქმის დარგის კურსდამთავრებული, რომელსაც ტყის ეკოსისტემების მოვლისა და კვლავწარმოების, ძირითადი ტყისშემქმნელი სახეობების კორომებში ბუნებრივი განახლების, სახეობათა ცვლისა და სხვა მნიშვნელოვანი სასიცოცხლო პროცესების მართვის გააზრების, მათ წარმართვაში მონაწილეობით მიღებული გამოცდილების საფუძველზე ექნება ტყეების ბიომრავალფეროვნების დაცვისა და ოპტიმიზაციის სფეროში მოღვაწეობის და კარიერის განვითარების შესაძლებლობა. შეასწავლოს, როგორც ბუნებრივ, ისე კულტურცენოზებში ეფექტური სატყეო-სამეურნეო ღონისძიებების განხორციელებისა და ტყეების ნიადაგდაცვითი, კლიმატმარეგულირებელი, წყალშენახვითი, კურორტოლოგიურ-ბალნეოლოგიური და სხვა სასარგებლო ფუნქციების შენარჩუნებისა და გაუმჯობესების უზრუნველყოფისათვის საჭირო პრაქტიკული გამოცდილება.
პროგრამის მოცულობა - 240 კრედიტი
სწავლების ენა - ქართული
მისანიჭებელი კვალიფიკაცია - სატყეო საქმის ბაკალავრი.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
მთის სოფლის გარემოს მდგრადი განვითარება
მთის სოფლის გარემოს მდგრადი განვითარება (პრიორიტეტული პროგრამა, აკრედიტებული)
საგნმანათლებლო პროგრამის მიზანია, მოამზადოს გარემოსმცოდნეობის სპეციალისტი, რომელსაც ექნება თანამედროვე გარემოს მდგრადი განვითარების კონცეფციის ცოდნა, სოფლის გარემოს მდგრადი განვითარების თეორიებისა და პრინციპების გააზრების უნარი და შეძლებს საკუთარი კომპეტენციის ფარგლებში მთის გარემოს სფეროში მიმდინარე ბუნებრივი პროცესების გაცნობიერებას და პრიორიტეტების ადეკვეტურად განსაზღვრას.
პროგრამის მოცულობა - 240 კრედიტი.
სწავლების ენა - ქართული
მისანიჭებელი კვალიფიკაცია - .გარემოსმცოდნეობის ბაკალავრი
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, გეოგრაფია ან ბიოლოგია.
უცხო ენა: ფრანგული, ინგლისური, გერმანული, რუსული.
მთის მდგრადი ტურიზმი და მასპინძლობის მენეჯმენტი
მთის მდგრადი ტურიზმი და მასპინძლობის მენეჯმენტი (პრიორიტეტული პროგრამა, აკრედიტებული)
საგანმანათლებლო პროგრამის- „მთის მდგრადი ტურიზმი და მასპინძლობის მენეჯმენტი“ მიზანია, მოამზადოს მუნიციპალური, რეგიონალური და საერთაშორისო დონის სპეციალისტი, რომელიც საკუთარი კომპეტენციის ფარგლებში შეძლებს გაანალიზოს, შეაფასოს, ჩამოაყალიბოს არგუმენტირებული დასკვნები მთის მდგრადი ტურიზმის განვითარების პრიორიტეტულ დარგებში.
ვაკანტური ადგილების რაოდენობა - 4 ადგილი
პროგრამის მოცულობა - 240 კრედიტი.
მისანიჭებელი კვალიფიკაცია - ტურიზმის ბაკალავრი
სწავლების ენა - ქართული
პროგრამაზე ჩასაბარებელი მე-3 სავალდებულო საგანი - მათემატიკა, ისტორია ან გეოგრაფია.
უცხო ენა: ფრანგული, ინგლისური, გერმანული, რუსული.
მთიანი რეგიონების ორგანული ფერმერული სისტემების მართვა
მთიანი რეგიონების ორგანული ფერმერული სისტემების მართვა (პრიორიტეტული პროგრამა, აკრედიტებული)
საგანმანათლებლო პროგრამის მიზანია, მოამზადოს მენეჯმენტის ბაკალავრი, რომელსაც ექნება მთის მდგრადი ფერმერული სისტემების მართვის თეორიებისა და პრინციპების, გარემოს დაცვის, დეგრადირებული, დაბალნაყოფიერი ნიადაგების გაუმჯობესების, ფიტო სანიტარული მელიორაციის, მთის ეკოლოგიურად ცვალებად და რისკებით სავსე გარემოში IFOAM’- ის მიერ რეკომენდირებული სისტემების მენეჯმენტის ცოდნა.
პროგრამის მოცულობა - 240 კრედიტი
მისანიჭებელი კვალიფიკაცია - მენეჯმენტის ბაკალავრი
სწავლების ენა - ქართული
პროგრამაზე ჩასაბარებელი მე-3 სავალდებულო საგანი - მათემატიკა ან ისტორია.
უცხო ენა: ფრანგული, ინგლისური, გერმანული, რუსული.
ბუნებრივი საფრთხეები, მდგრადი გარემო და დაცვა
ბუნებრივი საფრთხეები; მდგრადი გარემო და დაცვა (პრიორიტეტული პროგრამა, აკრედიტებული)
პროგრამის მიზანია, მოამზადოს მთიანი გარემოს ინფრასტრუქტურის დაცვისათვის თეორიულ და პრაქტიკულ საქმიანობაზე ორიენტირებული სპეციალისტი , რომელსაც შეუძლია გარემოს დაცვითი საინჟინრო ღონისძიებების გატარება, მთაში ბუნებრივი რისკ-ფაქტორების პროგნოზირება; თოვლისა და ზვავის გამომწვევი მიზეზების დადგენა; მთის ქანების წყლისმიერი ეროზიული პროცესებისაგან დაცვა; მთის მდინარეებზე კალაპოტური პროცესების რეგულირება და ნაპირდამცავი საინჟინრო ნაგებობების მოწყობა.
ვაკანტური ადგილების რაოდენობა - 4 ადგილი
პროგრამის მოცულობა - 240 კრედიტი.
მისანიჭებელი კვალიფიკაცია - ინჟინერიის ბაკალავრი გარემოს ინჟინერიაში
სწავლების ენა - ქართული
პროგრამაზე ჩასაბარებელი მე-3 სავალდებულო საგანი - მათემატიკა, გეოგრაფია, ფიზიკა ან ქიმია.
უცხო ენა: ფრანგული, ინგლისური, გერმანული, რუსული.