2023 წლის 17 ივნისს საქართველოს ტექნიკური უნივერსიტეტის მთის მდგრადი განვითარების ფაკულტეტის სტუდენტები და პროფესორ-მასწავლებელები სასწავლო-შემეცენებითი მიზნით იმყოფებიდნენ საველე ტურში ყაზბეგის მთიან მუნიციპალიტეტში.
პროფესორ-მასწავლებლებმა სტუდენტებს ადგილზე პრაქტიკული მეცადინეობის ფორმატში გააცნეს მუნიციპალიტეტის გეოგრაფიული თავისებურებანი და მიმდიარე გეოლოგიური პროცესები, ისევე, როგორც ბუნებრივი საფრთხეები, არასწორი ურბანული განვითარების შედეგები და რეგიონის ტურისტული პოტენციალი. აქტივობა კითხვა-პასუხის რეჟიმში მიმდინარეობდა.
სასწავლო ტურის ფარგლებში სტუდენტებმა მოინახულეს დარიალისა და სნოს ხეობები და დაათვალიერეს რეგიონის კულტურულ-ისტორიული ძეგლები; მათ შორის გერგეთის სამება, ძველი ციხე-კოშკები, ახალი ეკლესია-მონასტრები დარიალის ხეობასა და სოფელ სნოში; განსაკუთრებით აღფრთოვანდნენ გოროზი მყინვარწვერის ბუნებრივი სილამაზით.
ტურის დასასრულს განგებამ მონაწილეებს გამოცდაც მოუწყო და სტუდენტებმა სამთო ექსტრემალური პირობების გამკლავების გამოცდილებაც მიიღეს . მწყობრიდან გამოსული ავტობუსის გამო ახალი ტრანსპორტის მოლოდინში დანთებულმა კოცონმა დღის ემოციები კიდევ უფრო გაამძაფრა; კმაყოფილი და ერთ გუნდად შეკრული სტუდენტები და პროფესორ-მასწავლებლები თბილისში გვიან ღამით დაბრუნდნენ.
აუდიტორიის გარეთ აქტივობა მთიან ლოკაციებზე კვლავ იგეგმება