ERASMUS+ პროექტის „ევროპული ენერგოეფექტურობა საქართველოს, აზერბაიჯანისა და უკრაინასთან ურთიერთსასარგებლო პარტნიორობისთვის“ (3E-Partnership) ფარგლებში სასწავლო კურსების პილოტირება გაიმართა

ენერგეტიკის ფაკულტეტზე წარმატებით მიმდინარეობს საერთაშორისო პროექტი 3E-Partnership, რომლის მიზანია განახლებადი ენერგიებისა და ენერგოეფექტურობის მიმართულებით საერთაშორისო თანამშრომლობის გაძლიერება, ლაბორატორიების საერთაშორისო ქსელის ფორმირება, ერთობლივი კვლევითი პროექტების განხორციელება, თანამედროვე სასწავლო მასალებისა და კურსების შემუშავება, ასევე ცნობიერების ამაღლება ენერგოეფექტურობისა და მდგრადი განვითარების საკითხებზე.

პროექტი შემდეგი ძირითადი მიმართულებით ხორციელდება:

• ენერგოეფექტურობის სფეროში ინოვაციური სასწავლო გეგმების, კურიკულუმების შემუშავება და პილოტირება, რაც წარმოდგენილი იყო ენერგეტიკის ფაკულტეტის სტუდენტებისათვის.

• მონაწილე უნივერსიტეტებს შორის თანამშრომლობის გაღრმავება და საერთაშორისო აკადემიური ქსელის განვითარება ევროკავშირის, საქართველოს, აზერბაიჯანისა და უკრაინის პარტნიორი ორგანიზაციების მონაწილეობით.

პროექტის ფარგლებში გაიმართა  სასწავლო კურსების საპილოტე სწავლება საბაკალავრო და სამაგისტრო პროგრამების - „ენერგეტიკა“ და „ელექტროინჟინერია“ - სტუდენტებისთვის.

სწავლებაში ჩართული სტუდენტების მიერ გამოხატული ინტერესი და აქტივობა ადასტურებს პროფესიული განვითარებისათვის ენერგოეფექტურობის, განახლებადი ენერგიების და მდგრადი განვითარების საკითხების  მნიშვნელობას.

პროექტი ხელს უწყობს სტუდენტებს და აკადემიურ პერსონალს საერთაშორისო გამოცდილების გაზიარებაში, თანამედროვე ევროპული პრაქტიკის დანერგვასა და ენერგეტიკის სფეროში კონკურენტუნარიანი პროფესიონალების მომზადებაში.