სტუ-ს ენერგეტიკის ფაკულტეტს 95 წლიანი ისტორია აქვს. ის ლიდერია, ქვეყნის ენერგეტიკის სფეროში სწავლებისა და პროფესიონალების ჩამოყალიბების მიმართულებით. ამჟამად , ფაკულტეტზე საუნივერსიტეტო სწავლების სამივე საფეხურზე 1400-ზე მეტი სტუდენტი სწავლობს.
ენერგეტიკის ფაკულტეტზე სწავლება მიმდინარეობს 4 საფეხურზე, ხორციელდება 9 საგანმანათლებლო პროგრამა:
პროფესიული 1. მაღალი ძაბვის ელექტროტექნიკოსი
ბაკალავრიატი1. ენერგეტიკა და ელექტროინჟინერია; 2. ელექტრული და ელექტრონული ინჟინერია; 3. საინჟინრო მენეჯმენტი; 4. ენერგეტიკა და ელექტროინჟინერია (რუსულენოვანი )
მაგისტრატურა 1. ენერგეტიკა და ელექტროინჟინერია; 2. ტექნოლოგიური პროექტების მენეჯმენტი და ინდუსტრიული პოლიტიკა
დოქტორანტურა 1.ენერგეტიკა და ელექტროინჟინერია; 2. ინოვაციებისა და ოპერაციათა მენეჯმენტი
2022 წლიდან ეკონომიკისა და მდგრადი განვითარების სამინისტროს დაკვეთით ფაკულტეტზე მომზადდა ოთხი მოკლევადიანი პროფესიული გადამზადების პროგრამა, რომლებზეც უკვე გვყავს კურსდამთავრებულები:
სასწავლო და სამეცნიერო-კვლევით პროცესს უზრუნველყოფს ენერგეტიკის სფეროში ლიდერი კომპანიების ხელშეწყობით დაფუძნებული თანამედროვე სასწავლო-კომპიუტერული ცენტრები და ლაბორატორიები:
სწავლის პერიოდში სტუდენტს საშუალება აქვს მონაწილეობა მიიღოს სხვადასხვა საერთაშორისო მობილობის პროგრამაში, ასევე, გახდეს კონკურსის გამარჯვებული და ევროპის წამყვან უნივერსიტეტებში სემესტრულად ისწავლოს.
ენერგეტიკის დარგი მოიცავს ელექტრული და თბური ენერგიის გამომმუშავებელ, გადამცემ და გამანაწილებელ სამრეწველო საწარმოთა , ნაგებობათა და მოწყობილობათა კომპლექსებს. სამეცნიერო-კვლევით, საპროექტო, სამშენებლო-სამონტაჟო, გამმართავ და სასწავლო ორგანიზაციებს.
ენერგეტიკის დარგის ეფექტური ფუნქციონირების გარეშე მოსახლეობა მოკლებული იქნება ცივილიზაციის ყველა სარგებელს. საქართველოში გრძელდება ენერგეტიკული სისტემის პოტენციალის ათვისების, გამართვის, ეფექტური ფუნქციონირებისა და მისი საერთაშორისო ინტეგრირების პროცესი, რომელშიც ჩვენი სტუდენტები და კურსდამთავრებულები არიან ჩართულნი.
ფაკულტეტზე მიმდინარეობს მრავალფეროვანი და საინტერესო სტუდენტური ცხოვრება, დატვირთული ადგილობრივი და საერთაშორისო სამეცნიერო კონფერენციებით, სტუდენტური პროექტებით, კულტურულ-შემეცნებითი და სპორტული ღონისძიებებით.
სტუ-ს ენერგეტიკის ფაკულტეტზე ხორციელდება სახელმწიფოს მიერ სრულად დაფინანსებული, პრიორიტეტული საბაკალავრო პროგრამა - ენერგეტიკა და ელექტროინჟინერია (ქართულენოვანი). სემესტრული შედეგების მიხედვით წარჩინებულ სტუდენტებს სახელმწიფო სტიპენდია ენიშნებათ. პერიოდულად, ხორციელდება წარჩინებული/ადგილობრივ და საერთაშორისო კონფერენციებში მონაწილე სტუდენტების წახალისება დამსაქმებლების მხრიდან შემოთავაზებული ფულადი პრიზებით/სტიპენდიებით.
ფაკულტეტის სასწავლო და სამეცნიერო პროცესს მაღალი კვალიფიკაციის, დიდი გამოცდილების მქონე პროფესორ- მასწავლებლები უძღვებიან.
საქართველოს ენერგეტიკული სისტემა მთლიანად ფაკულტეტის კურდამთავრებული სპეციალისტებით არის დაკომპლექტებული. ფაკულტეტი თანამშრომლობს წარმატებულ ბიზნეს-ორგანიზაციებსა და საწარმოებთან, ყავს დამსაქმებლებით დაკომპლექტებული მრჩეველთა საბჭო, კვალიფიციური კადრები კი ქვეყანაში და ქვეყნის გარეთ მაღალანაზღაურებადია.