იაშის უნივერსიტეტის, ევროპული სწავლების ცენტრის სამაგისტრო და ტიმიშოარას დასავლეთის უნივერსიტეტის საზაფხულო სკოლის ორკვირიანი სასწავლო პროგრამების თაობაზე

მიმდინარე წლის 16 ივნისს, საგარეო საქმეთა სამინისტროდან შემოსული ინფორმაციის საფუძველზე გაცნობებთ, რომ რუმინეთში არსებული ტიმიშოარას დასავლეთის უნივერსიტეტი საბაკალავრო და სამაგისტრო პროგრამების სტუდენტებს სთავაზობს მრავალფეროვან საზაფხულო კურსებს თემებზე: ასტროფიზიკა, ბიტკოინები, ინგლისური ენის ისტორია, მდგრადი ფინანსები, კლიმატოლოგია და სხვ. 

საზაფხულო კურსი ჩატარდება მიმდინარე წლის 1-12 აგვისტოს. განაცხადის მიღების ბოლო ვადა გახლავთ 1 ივლისი.

ამასთანავე, იაშის უნივერსიტეტი 2019 წლიდან ახორციელებს ევროპული სწავლებისა და ევროკავშირის აღმოსავლეთ სამეზობლოს სამაგისტრო პროგრამას (Master Programme in European Studies and the EU Eastern Neighbourhood) რომელზეც, 2022-23 აკადემიური წლისთვის, საბუთების მიღება მიმდინარეობს 1 სექტემბრამდე.

დამატებითი ინფორმაცია საზაფხულო სკოლის შესახებ შეგიძლიათ იხილოთ მიბმულ ფაილში, ხოლო აღნიშნული სამაგისტრო პროგრამის შესახებ ინფორმაციის სანახავად ეწვით შემდეგ ბმულს: https://cse.uaic.ro/en/index.htm