სამოქალაქო ინჟინერიის საბაკალავრო პროგრამა სტუდენტებს აძლევს მყარ თეორიულ ცოდნასა და პრაქტიკულ უნარებს შენობა-ნაგებობების, გზების, ხიდების, წყალმომარაგებისა და სხვა ინფრასტრუქტურული ობიექტების დაგეგმვის, გაანგარიშებისა და მართვის მიმართულებით. პროგრამა ხელს უწყობს საინჟინრო აზროვნების, პრობლემების გადაჭრის, გუნდური მუშაობისა და თანამედროვე ტექნოლოგიების გამოყენების უნარების განვითარებას. პროგრამის წარმატებით დასრულების შემდეგ კურსდამთავრებულს ენიჭება მეცნიერების ბაკალავრის ხარისხი სამოქალაქო ინჟინერიაში, რაც მას დასაქმებისა და შემდგომი აკადემიური განვითარების ფართო შესაძლებლობებს უქმნის.
პროგრამის მოცულობა კრედიტებით: სტუდენტმა ბაკალავრიატის ინგლისურენოვანი საგანმანათლებლო პროგრამის „სამოქალაქო ინჟინერიის“ ფარგლებში „მეცნიერების ბაკალავრი სამოქალაქო ინჟინერიაში“ აკადემიური ხარისხის მოსაპოვებლად უნდა დააგროვოს არანაკლებ 240 კრედიტი, რაც უზრუნველყოფს პროგრამის მიზნებისა და შესაბამისი სწავლის შედეგების მიღწევას უმაღლესი განათლების კვალიფიკაციათა ჩარჩოს ბაკალავრიატის საფეხურის აღმწერის შესაბამისი დონით. პროგრამა შედგენილია ევროპული კრედიტების ტრანსფერის სისტემის (ECTS) მიხედვით, 1 კრედიტი 25 საათს უდრის და მოიცავს საკონტაქტო და დამოუკიდებელი მუშაობის საათებს. კრედიტების განაწილება წარმოდგენილია სასწავლო გეგმაში.
სწავლის ხანგრძლივობა: პროგრამის ხანგრძლივობა განისაზღვრება არანაკლებ 4 წლით (8 სემესტრი), სემესტრი მოიცავს 18 კვირას. სტუ-ში ერთი სემესტრის განმავლობაში 13 კვირა სასწავლოა (სააუდიტორიო მეცადინეობების) და 5 – სასესიო (შუასემესტრული, დასკვნითი და დამატებითი გამოცდების).
საგანმანათლებლო პროგრამის სტრუქტურა: საგანმანათლებლო პროგრამა მოიცავს ძირითადი სწავლის სფეროს შესაბამისი შინაარსის სავალდებულო კომპონენტებს – ჯამში – 202 კრედიტს (მათ შორის წინასაპროექტო პრაქტიკას – 5 კრედიტი და საბაკალავრო პროექტს 8 კრედიტის მოცულობით), ძირითადი სწავლის სფეროს შესაბამისი შინაარსის სავალდებულო არჩევით კომპონენტებს – ჯამში 35 კრედიტს და თავისუფალ კომპონენტებს – 3 კრედიტის მოცულობით.
არჩევითი კომპონენტის არჩევის ინსტრუქცია: როგორც თავისუფალი კომპონენტის, ისე პროფესიასთან დაკავშირებული არჩევითი სასწავლო კურსების არჩევის პროცესი უნდა იყოს გამჭვირვალე; სტუდენტის მიერ საკუთარი პროფილის განსაზღვრის მიზნით უზრუნველყოფილი უნდა იყოს მისთვის აუცილებელი ინფორმაციის მიწოდება, კონსულტაციისა და დახმარების გაწევა. ამისათვის ფაკულტეტის დეკანატში არის შესაბამისი კვალიფიკაციის და გამოცდილების მქონე პირი, რომელიც კვალიფიციურ დახმარებას გაუწევს სტუდენტს არჩევით კომპონენტებთან დაკავშირებით. საჭიროების შემთხვევაში კონსულტაციის პროცესში ჩართულია შესაბამისი დეპარტამენტის ხელმძღვანელი. სემესტრის დაწყებამდე, პროგრამის თითოეულ სტუდენტს სტუ-ს ელექტრონული სწავლების პორტალზე შექმნილ მის პირად გვერდზე და ასევე ტექსტური შეტყობინებით საკონტაქტო ტელეფონზე, ეგზავნება ინფორმაცია ასარჩევი სასწავლო კურსების და არჩევის წესის შესახებ, ასევე ეგზავნება განაცხადის ფორმა, სადაც უნდა დააფიქსირონ არჩეული სასწავლო კურსები პრიორიტეტების შესაბამისად. კონკრეტულ არჩევით კომპონენტზე კონკურსის არსებობის შემთხვევაში, პრიორიტეტი ენიჭება მაღალი აკადემიური მოსწრების პირს, ხოლო დაბალი აკადემიური მოსწრების პირი დარეგისტრირდება მის მიერ არჩეულ რიგით მომდევნო არჩევით სასწავლო კურსზე.
სამოქალაქო ინჟინერიის პროგრამა ამჟამად გადის ABET-ის (Accreditation Board for Engineering and Technology) საინჟინრო აკრედიტაციის კომისიის — EAC-ის (Engineering Accreditation Commission) მიერ აკრედიტაციის პროცესს. აღნიშნული პროცესი ხელს უწყობს პროგრამის საერთაშორისო სტანდარტებთან შესაბამისობას და კურსდამთავრებულთა გლობალური კონკურენტუნარიანობის გაძლიერებას.
სტუ-ს სამშენებლო ფაკულტეტმა სამოქალაქო ინჟინერიის პროგრამისთვის განსაზღვრა შემდეგი საგანმანათლებლო მიზნები:
პროგრამის დასრულებისას კურსდამთავრებულს აქვს:
ბაკალავრიატში მიღება ხორციელდება ერთიანი ეროვნული გამოცდების საფუძველზე, ჩასაბარებელია მათემატიკა ან ფიზიკა, ქართული ენა და ლიტერატურა, უცხო ენა.
| საგანი | კრედიტი |
|---|---|
| კალკულუს C1 | 8 |
| ზოგადი და არაორგანული ქიმია A | 8 |
| ბიოლოგიის საფუძვლები | 6 |
| ზეპირსიტყვიერი კომუნიკაცია | 5 |
| საქართველოს ისტორია და კულტურა | 3 |
| ფილოსოფიის შესავალი | 3 |
| სოციოლოგია | 3 |
| კალკულუს C2 | 7 |
| ზოგადი ფიზიკა 1A | 7 |
| გეოდეზია სამოქალაქო ინჟინერიაში | 6 |
| ინტერპერსონალური კომუნიკაცია | 5 |
| კომპიუტერული საინჟინრო გრაფიკა სამოქალაქო ინჟინერიაში | 5 |
| შესავალი სამოქალაქო ინჟინერიაში | 3 |
| კალკულუს C3 | 8 |
| ზოგადი ფიზიკა 2B | 7 |
| თეორიული მექანიკა (სტატიკა) | 5 |
| სტატისტიკური მეთოდები ინჟინერიაში | 4 |
| ტექნიკური კომუნიკაცია | 5 |
| ბიზნეს და პროფესიული კომუნიკაცია | 5 |
| ჩვეულებრივი დიფერენციალური განტოლებები | 5 |
| თეორიული მექანიკა (დინამიკა) | 5 |
| საშენი მასალები | 5 |
| მასალათა გამძლეობა | 5 |
| ეკონომიკის პრინციპები | 3 |
| მშენებლობის მეთოდები | 5 |
| გეოტექნიკური ინჟინერია | 5 |
| სითხეების მექანიკა | 5 |
| გეოინფორმაციული სისტემები | 6 |
| სამშენებლო მანქანები | 3 |
| სამშენებლო მექანიკის საფუძვლები | 6 |
| გარემოს ინჟინერია | 6 |
| სატრანსპორტო ინფრასტრუქტურის მშენებლობა | 6 |
| ჰიდროლოგია და ჰიდრომეტრია | 6 |
| გამოყენებითი ჰიდრავლიკა | 6 |
| შენობა-ნაგებობების დაპროექტება რკინაბეტონის კონსტრუქციებით | 6 |
| ღია კალაპოტების ჰიდრავლიკა | 6 |
| ფუძე საძირკვლების ინჟინერია და დეფორმაცია ნაგებობებში | 6 |
| საგზაო მოძრაობის დაგეგმვა | 6 |
| წყლის მიწოდებისა და განაწილების სისტემები | 6 |
| ჰიდროტექნიკური ნაგებობების მშენებლობა | 6 |
| საავტომობილო გზების ინჟინერია | 6 |
| დემოკრატია და მოქალაქეობა | 5 |
| სამშენებლო კონტრაქტები და სახელმწიფო შესყიდვები | 5 |
| მარკეტინგის პრინციპები | 5 |
| მშენებლობის ხარჯთაღრიცხვის პრინციპები | 4 |
| მშენებლობის ეკონომიკის პრინციპები | 4 |
| საბაკალავრო პრაქტიკა | 5 |
| წყლის გაწმენდის ინჟინერია | 6 |
| ლითონის კონსტრუქციები | 6 |
| დროებითი ნაებობების დაპროექტება | 6 |
| ჩამდინარე წყლების გაწმენდის ინჟინერია | 6 |
| ირიგაცია და დრენაჟი | 6 |
| რკინიგზის ინჟინერია | 6 |
| სამშენებლო პროექტების მენეჯმენტი | 6 |
| მყარი და სახიფათო ნარჩენების ინჟინერია | 6 |
| ხიდების ინჟინერია | 6 |
| უსაფრთხოების ტექნიკა მშენებლობაზე | 4 |
| საბაკალავრო პროექტი | 8 |
| სულ | 240 |
592 822 722; ელ-ფოსტა: samsheneblo@gtu.ge