03 თებ

უმაღლესი საგანმანათლებლო პროგრამების აკრედიტაციის სტანდარტების შეფასების სახელმძღვანელო


უმაღლესი საგანმანათლებლო პროგრამების აკრედიტაციის სახელმძღვანელოს მიზანია, დაეხმაროს უმაღლეს საგანმანათლებლო დაწესებულებებს უკეთ გაიგონ აკრედიტაციის სტანდარტების მოთხოვნები. აღნიშნული სახელმძღვანელო დაეხმარება როგორც აკადემიურ, ასევე ადმინისტრაციულ პერსონალს უმაღლესი საგანმანათლებლო პროგრამების შექმნასა და/ან განვითარებაში. თუმცა, აღსანიშნავია, რომ სახელმძღვანელოში მოცემული ინფორმაცია არ არის ყოვლისმომცველი და ატარებს სარეკომენდაციო ხასიათს.

იხილეთ სახელმძღვანლო 




25 დეკ

ცვლილება

უნივერსიტეტის აკადემიური საბჭოს2018 წლის 21 დეკემბრის № 01-05-04/340 დადგენილებით შევიდა ცვლილებებიაკადემიური საბჭოს 2017 წლის 10 ნოემბრის № 2627 დადგენილებაში „სასწავლო კურსის (საგნის) კოდის მინიჭების წესის დამტკიცების შესახებ“. ცვლილებები შევიდა დადგენილების მე-4 და წესის მე-9 და მე-10 პუნქტებში. ცვლილებები არ ეხება კოდის სტრუქტურასა და შინაარსს.მნიშვნელოვანი და საყურადღებო ცვლილება შეტანილია წესის მე-10 პუნქტში.
დადგენილების კოდიფიცირებული ვერსია განთავსებულია ვებ-გვერდზე http://gtu.ge/quality/Files/Pdf/dadgenilebiani.pdf
20 დეკ

გილოცავთ

გილოცავთ ახალ წელს
ყველა სიახლე

დაგეგმვა

დაგეგმვა (Plan)

უნივერსიტეტის სტრატეგიისა და მომხმარებლებისა და სხვა დაინტერესებული პირების მოთხოვნების შესწავლისა და ანალიზის შედეგად დგინდება ცალკეული სამუშაო პროცესის, ფუნქციის ან სამუშაოს კონკრეტული მიზნები და ამოცანები. ამრიგად, დაგეგმვის პროცესი უნდა მოიცავდეს მიზნების დასახვას, შესაბამისი რესურსების განსაზღვრას, გაწერილ ქმედებებს თითოეული მიზნის მისაღწევად და შესრულებული სამუშაოს პერიოდული შეფასების სქემას დადგენილი სტანდარტების შესაბამისად.

დაგეგმვა ხდება ხანგრძლივ და მოკლევადიან პერსპექტივაში გარკვეული შედეგების მიღწევის მოთხოვნის ფორმით. უნივერსიტეტის საქმიანობა უნდა იგეგმებოდეს სტრატეგიულ, ფუნქციონალურ, ოპერატიულ და ინდივიდუალურ დონეებზე. თითოეულ დონეზე შექმნილი გეგმა სასურველია მოიცავდეს მოქმედების მიზნებს, მიზნების მიღწევის გზებსა და შესრულების ვადებს, შესაბამის რესურსებსა და შესაძლებლობებს, სავარაუდო შედეგებსა და შედეგების შეფასების ინდიკატორებს. ამასთან, დაგეგმვა უნდა პასუხობდეს შემდეგ კითხვებს:

-         რა მოითხოვება და რა შედეგების მიღება არის აუცილებელი?

-         რა ცვლილებების და ქმედებების განხორციელება არის ამისთვის საჭირო?

-         რა ინფორმაცია და რესურსი გვაქვს და რა მოითხოვება დამატებით?

-         რა პოტენციური წინააღმდეგობა შეიძლება შეგვხვდეს განხორციელების პროცესში?

პასუხები აღნიშნულ კითხვებზე მოგვცემს პროცესის ან სამუსაოს დაგეგმვის საშუალებას, რის შემდეგაც გადავალთ ციკლის შემდეგ ეტაპზე.