შეხვედრა ელჩთან

23-04-2014

შეხვედრა ლიტვის რესპუბლიკის საგანგებო და სრულუფლებიან ელჩთან საქართველოში

23 აპრილს საქართველოს ტექნიკურ უნივერსიტეტს ეწვია ლიტვის რესპუბლიკის საგანგებო და სრულუფლებიანი ელჩი საქართველოში იონას პასლაუსკასი. ელჩთან შეხვედრას ესწრებოდნენ ლიტვიდან სპეციალურად მოწვეული პროფესორი ვიდას კავალიაუსკასი , საქართველოს ტექნიკური უნივერსიტეტის ადმინისტრაციის წარმომადგენლები , პროფესორ - მასწავლებლები და სტუდენტები .

იონას პასლაუსკასმა ისაუბრა ქართულ - ლიტვურ ურთიერთობაზე , ლიტვურ დიასპორაზე საქართველოში , განათლების საკითხებზე . შეხვედრაზე აღინიშნა, რომ დიდი წარმატებით ფუნქციონირებს ლიტუანისტიკის ცენტრი საქართველოს ტექნიკურ უნივერსიტეტში და ანალოგიური ცენტრის გახსნა იგეგმება ლიტვაშიც .

1- ლი სექტემბრიდან ვილნიუსში ქართული ენის შემსწავლელი კურსი დაიწყებს ფუნქციონირებას . საქართველოს განათლებისა და მეცნიერების მინისტრის ბრძანებით , ლიტვაში ერთი წლის ვადით სპეციალურად იქნება მივლენილი ქართული ენის პედაგოგი , თსუ - ის პროფესორი .


 

სიახლეებში დაბრუნება

ბანერები