06 მაი

გილოცავთ გიორგობას






ხარისხის უზრუნველყოფის სამსახური ყველას გილოცავთ გიორგობის ბრწყინვალე დღესასწაულს, რომელიც ბოროტებაზე კეთილის გამარჯვების სიმბოლოა. გისურვებთ სულიერ სიმშვიდეს, ბედნიერებასა და კეთილდღეობას
22 მარტ

ყურადღება




ცვლილება შევიდა საქართველოს განათლებისა და მეცნიერების მინისტრის ბრძანება No65/ნ -ში,  ზოგადსაგანმანათლებლო დაწესებულებებისა და უმაღლესი საგანმანათლებლო დაწესებულებების საგანმანათლებლო პროგრამების აკრედიტაციის დებულებისა და საფასურის დამტკიცების შესახებ. ცვლილებების დეტალური გაცნობისთვის გთხოვთ მიყვეთ ბმულს, ან იხილოთ ბრძანების სრული ვარიანტი.ბმული >>>
13 ნოე

გაიმართა თვითშეფასების დანართების შემოწმების ვორქშოპი


მიმდინარე წლის 13 ნოემბერს სტუს-ს ხარისხის უზრუნველყოფის სამსახურში, Zoom ონლაინ პლატფორმის მეშვეობით გაიმართა სამუშაო შეხვედრა- ვორქშოპი - უმაღლესი საგანმანათლებლო პროგრამების აკრედიტაციის თვითშეფასების დანართების (თანდართული დოკუმენტების ) შემოწმებასთან დაკავშირებით.
სამუშაო შეხვედრას უძღვებოდა ხარისხის უზრუნველყოფის სამსახურის ხელმძღვანელი- ბატონი დავით მახვილაძე. ვორქშოპს ესწრებოდნენ ხარისხის უზრუნველყოდის სამსახურის თანამშრომლები, ფაკულტეტის ხარისხის სამსახურის და პროგრამის ხელმძღვანელები.
შეგახსენებთ, რომ ქვეყანაში მიმდინარე პანდემიური სიტუაციიდან გამომდინარე, ხარისხის უზრუნველყოფის სამსახური სრულიად გადასულია  ონლაინ სამუშაო რეჟიმზე.

ყველა სიახლე

უმაღლესი საგანმანათლებლო პროგრამები სამოქალაქო ინჟინერიაში

23-08-2018 უმაღლესი საგანმანათლებლო პროგრამები სამოქალაქო ინჟინერიაში - მიღწევები და პერსპექტივები
23 აგვისტო, 2018

საქართველოს ტექნიკური და ილიას სახელმწიფო უნივერსიტეტების ინიციატივით, განათლების ხარისხის განვითარების ეროვნულმა ცენტრმა, 2018 წლიდან, ეროვნულ საკვალიფიკაციო ჩარჩოს ახალი დარგი - სამოქალაქო ინჟინერია დაამატა, რაც სამომავლოდ შესაბამის საბაკალავრო, სამაგისტრო და სადოქტორო პროგრამების განვითარების შესაძლებლობას იძლევა. უმაღლეს საგანმანათლებლო დაწესებულებებს ასევე, მიეცემათ საშუალება აღნიშნულ დარგში განახორციელონ საერთაშორისო დონეზე ერთობლივი საგანმანათლებლო პროგრამები.
სამოქალაქო ინჟინერია შეისწავლის დიდი ზომის შენობა - ნაგებობებისა და სტრუქტურების, მათ შორის სატრანსპორტო სისტემების, წყალმომარაგებისა და წყალარინების ქსელების, პორტების, აეროდრომების და ა.შ. დაგეგმვას, პროექტირებას, ტესტირებასა და მშენებლობის ხელმძღვანელობას. საქართველოში ბოლო წლების განმავლობაში მიმდინარე ინფრასტუქტურული პროექტები სწორედ ამგვარ მაშტაბურ სამშებლო ღონისძიებების განხორციელებას ითვალისწინებს და მათი წარმატებით განხორციელება მეტწილად დამოკიდებულია კვალიფიციურ ადამიანურ რესურსზე, რომელთა მომზადება წარმოუდგენელია ხარისხიანი საგანმანათლებლო პროგრამების გარეშე.
2015 წლიდან საქართველოს ტექნიკურ, ივანე ჯავახიშვილის სახელობის თბილისის სახელმწიფო და ილიას სახელმწიფო უნივერსიტეტებში წარმატებით ხორციელდება ამერიკის შეერთებული შტატების სან დიეგოს სახელმწიფო უნივერსიტეტის სამოქალაქო ინჟინერიის საბაკალავრო პროგრამა, რომელსაც მიღებული აქვს ამერიკის „ინჟინერიისა და ტექნოლოგიების სააკრედიტაციო საბჭოს“ (ABET) აკრედიტაცია. პროგრამა სან დიეგოს უნივერსიტეტის პროფესორების დახმარებით ხორციელდება და ფოკუსირდება ზუსტ მეცნიერებებზე, მათემატიკასა და ინჟინერიაზე. პროგრამა მოიცავს სოციალურ და ჰუმანიტარულ მიმართულებებსაც, რადგან სამოქალაქო ინჟინერიის კურსდამთავრებულებმა უნდა შეძლონ საკუთარი გადაწყვეტილებების სოციალური და ეკონომიკური შედეგების გათვალისწინება. პროგრამის კურსდამთავრებულები მიიღებენ საერთაშორისოდ აღიარებულ დიპლომს.
ქვეყნისთვის კრიტიკულად მნიშვნელოვანია, ადგილობრივი რესურსებით, საქართველოს დასაქმების ბაზარზე მორგებული საგანმანათლებლო პროგრამების განვითარება და მეტი კვალიფიციური კადრის მომზადება. ამ მიმართულებით, სან დიეგოს უნივერსიტეტის პროგრამის განხორციელებისას მიღებული გამოცდილების საფუძველზე, უმაღლეს საგანმანათლებლო დაწესებულებებს დაწყებული აქვთ სამოქალაქო ინჟინერიის მიმართულების საგანმანათლებლო პროგრამების შემუშავების პროცესი, რომლებიც მომავალში გაივლიან ამერიკის „ინჟინერიისა და ტექნოლოგიების სააკრედიტაციო საბჭოს“ (ABET) აკრედიტაციას.

 

სიახლეებში დაბრუნება