05 დეკ

კონფერენცია გლობალური ენერგეტიკული ტრენდები.

2019 წლის 4 დეკემბერს ეკონომიკისა და მდგრადი განვითარების სამინისტროს მხარდაჭერით,  „ExpoGeorgia-ს“ მესამე პავილიონში ჩატარდა კონფერენცია „გლობალური ენერგეტიკული ტრენდები. ახალ ენერგეტიკულ პაკეტზე გადასვლა, გამოწვევები და შესაძლებლობები საქართველოსთვის“.
03 დეკ

სემინარი

2019 წლის 28 ნოემბერს, საინჟინრო კომპანია აიდისის (IDC) ოფისში, საქართველოში  გერმანიის ფედერაციული რესპუბლიკის საელჩოს, შოთა რუსთაველის საქართველოს ეროვნული სამეცნიერო ფონდის,  „ეკლარეონის“ პროექტ BSW-solar-თან ერთად ფედერალური საგარეო ოფისის მხარდაჭერით გაიმართა სემინარი „მზის ენერგეტიკა საქართველოში“.
ყველა სიახლე

სამუშაო ვიზიტი

05/27/2019

2019 წლის 21 ივნისს ენერგეტიკისა და ტელეკომუნიკაციის ფაკულტეტზე, ყოველწლიური სამუშაო ვიზიტის ფარგლებში, სტუმრად იმყოფებოდა ბატონი ფრენკ ნოელი, რომელიც გახლავთ ამერიკის საინჟინრო სააკრედიტაციო საბჭოს (ABET) ექსპერტი.

ფ. ნოელი მოწვეული იყო MCC/საქართველოს და სან დიეგო სახ. უნივერსიტეტი/ საქართველოს ფინანსური მხარდაჭერით.

სამუშაო ვიზიტის მიზანი იყო ფაკულტეტზე მომზადების პროცესში მყოფი ქართულენოვანი და ინგლისურენოვანი პროგრამების ,,ელექტროინჟინერია’’ შემოწმება, რეკომენდაციების გაცემა და პროგრამების ამერიკული აკრედიტაციისათვის მზადყოფნაში მოყვანა.

ფაკულტეტის ადმინისტრაციამ, პროგრამის ავტორებმა და ABET სტანდარტებზე მომუშავე ჯგუფმა (ფაკულტეტის დეკანი გ. არაბიძე, დეკანის მოადგილე ლ. ხუნწარია, ასოც. პროფესორები გ. გიგინეიშვილი, გ. ნაჭყებია, ნ. ლაზაშვილი) ბატონ ფრენკს წარუდგინეს მომზადებული პროგრამა, თვითშეფასების ანგარიში და შესაბამისი დანართები, ასევე სტუდენტების და მათი საბაკალავრო ხელმძღვანელების მხრიდან (პროფესორი ჯ. ბერიძე, ასისტ. პროფესორები შ. კვირკველია, ე. ბჟინავა) გაკეთდა საბაკალავრო ნაშრომის წარდგენა , თემაზე ,,ადამიანის ჯანმრთელობის დისტანციური მონიტორინგი’’.

ფრენკ ნოელის მხრიდან დღის ბოლოს გაიცა კონკრეტული რეკომენდაციები პროგრამების ამერიკული სტანდარტებით მომზადების, განხორციელების და შესაბამისი ლაბორატორიული თუ ადამიანური რესურსებით აღჭურვის მიმართულებით.

 



 


 

სიახლეებში დაბრუნება