16 იან

ერთობლივი ლაბორატორია „სისტემათა ინჟინერინგი“

საქართველოს ტექნიკური უნივერსიტეტის ენერგეტიკისა და ტელეკომუნიკაციის ფაკულტეტის და ბიზნესტექნოლოგიების ფაკულტეტის ერთობლივი ლაბორატორიის „სისტემათა ინჟინერინგი“-სთვის ბიზნესტექნოლოგიების ფაკულტეტის ბიუჯეტიდან გადახდილია 2444 ევრო.
29 დეკ

საბჭოს სხდომა

25 დეკემბერს  ჩატარდა ბიზნესტექნოლოგიების ფაკულტეტის  საბჭოს სხდომა
29 დეკ

პროექტი „ზამთრის სკოლა“ ბაკურიანში

ბიზნესტექნოლოგიების ფაკულტეტის სტუდენტური თვითმმართველობის ორგანიზებით და ფაკულტეტის ადმინისტრაციის მხარდაჭერით დაბა ბაკურიანში განხორციელდა პროექტი "ზამთრის სკოლა"
19 დეკ

ბიზნესომბუდსმენთან შეხვედრის ანგარიში

2018 წლის 18 დეკემბერს, 15:00 საათზე სტუ-ს ცენტრალურ ბიბლიოთეკაში, უნივერსიტეტის ბიზნესის და სამართლის ინსტიტუტის ინიციატივით შედგა პროფესორ-მასწავლებელთა და სტუდენტთა შეხვედრა საქართველოს ომბუდსმენთან, ბატონ ირაკლი ლექვინაძესთან.
13 დეკ

შეხვედრა ბიზნესომბუდსმენთან

2018 წლის 18 დეკემბერს (სამშაბათი) 15 საათზე სტუ-ს ცენტრალურ ბიბლიოთეკაში (ადმინისტრაციული კორპუსი) სტუ-ს ბიზნესისა და სამართლის ინსტიტუტის ინიციატივით ჩატარდება შეხვედრა საქართველოს ბიზნესომბუდსმენთან ბატონ ირაკლი ლექვინიძესთან.
12 დეკ

ბიზნესტექნოლოგიების ფაკულტეტის პროფესორის წარმატება

ავსტრიის სამეცნიერო საზოგადოების მიერ გამოცემულმა ჟურნალმა „European Journal of Economics and Management Sciences“, რომელსაც ტომსონ როიტერის სააგენტოს მიერ მინიჭებული აქვს იმპაქტ-ფაქტორი, ბიზნესტექნოლოგიების ფაკულტეტის ასოცირებული პროფესორი, მაია ჩეჩელაშვილი აირჩია თავისი რედკოლეგიის წევრად.
სიახლეების სრულად ნახვა

აუდიო-ვიდეო ლაბორატორი

აუდიო-ვიდეო ლაბორატორია
 
აუდიო-ვიდეო ლაბორატორიის ძირითადი დანიშნულებაა აუდიო-ვიზუალური და მედია ხელოვნების მიმართულებით სასწავლო პროცესის სათანადო დონეზე წარმართვის უზრუნველყოფა.
 
ლაბორატორიას გააჩნია  თანამედროვე ტექნიკური საშუალებები: ციფრული ვიდეოკამერები, კომპიუტერული სამონტაჟო სამუშაო ადგილი, აუდიო-ვიდეო ჩამწერი და საჩვენებელი ტექნიკა (აუდიომიქშერი, პლეერები, ტელევიზორები, მულტიმედია პროექტორი, მინიდივი) და სხვადასხვა აქსესუარები (შტატივი, საყურისი, მიკროფონები და ა.შ.), რათა მაღალ დონეზე ჩატარდეს ლაბორატორიული და პრაქტიკული მეცადინეობები.
 
 
    
 
 
სასწავლო პროცესის ფარგლებში სტუდენტებს ლაბორანტის დახმარებით შეუძლიათ ლაბორატორიაში არსებული კომპიუტერული სამონტაჟო აპარატურის გამოყენება მათ მიერ გადაღებული (ჩაწერილი) ვიდეო-აუდიო და ფოტო მასალის დასამუშავებლად.
 
ლაბორატორიაში ხორციელდება სტუდენტების ხმების ჩაწერა კომპიუტერში და შემდგომ ჩანაწერების მოსმენა და განხილვა, რაც მათ მეტყველების კულტურის გამომუშავებაში ეხმარება.
 
საეთერო იმიჯის საგნის სწავლების ფარგლებში ხდება სტუდენტთა მიერ საინფორმაციო წამყვანის იმიტაციის ვიდეო გადაღება და შემდგომ მისი ჩვენება. ეს ხელს უწყობს სტუდენტებს ნაკლოვანებების გამოსწორებაში და პრაქტიკული ჩვევების გამომუშავებაში.
 
    
 
ლაბორატორიაში სტუდენტებს შეუძლიათ მიიღონ დახმარება ლექციებზე მიღებული დავალებების შესრულებაში (აუდიო-ვიდეო-ფოტო მასალის კომპიუტერში შეტანა, გახმოვანება, მონტაჟი, სლაიდშოუ და სხვ.).
 
სასწავლო პროცესიდან გამომდინარე მიღებული დავალების შესასრულებლად სტუდენტებზე გარკვეული ვადით გაიცემა ლაბორატორიაში არსებული აპარატურა და ტექნიკა, რათა მათ  მიეცეთ  უნივერსიტეტის ფარგლებს გარეთ ნატურაზე გადაღების შესაძლებლობა.