საერთაშორისო კონფერენცია

30-03-2011
საერთაშორისო კონფერენცია
“გამოყენებითი ფიზიკის აქტუალური საკითხები”
 
30  მარტს, საქართველოს  ტექნიკურ  უნივერსიტეტში  ჩატარდა საერთაშორისო  სამეცნიერო  კონფერენცია  “გამოყენებითი ფიზიკის აქტუალური საკითხები”, რომელიც ეძღვნებოდა საინჟინრო ფიზიკის ფაკულტეტის დაარსების დღესა და  დამსახურებული  მეცნიერის,  საზოგადო  მოღვაწის,  საქართველოს  სახელმწიფო პრემიის ლაურეატის, საინჟინრო აკადემიის აკადემიკოსის რაფიელ ჩიქოვანის 80 წლის იუბილეს. 
კონფერენცია გახსნა სტუ-ს რექტორმა, არჩილ ფრანგიშვილმა. მან სტუმრებს ამერიკიდან, რუსეთიდან და სომხეთიდან ჩამობრძანებისათვის მადლობა გადაუხადა.
დამსწრე საზოგადოებას ასევე მიესალმა მეუფე ანანია, რომელმაც დალოცა კონფერენციის მონაწილეები.
კონფერენცია მიმდინარეობდა ქართულ, ინგლისურ და რუსულ ენებზე. განიხილებოდა ისეთი მიმართულებები, როგორებიცაა:  გამოყენებითი ფიზიკა თანამედროვე მეცნიერების, მედიცინის, ტექნიკის, ტექნოლოგიის და წარმოების სხვადასხვა დარგში;  გამოყენებითი ფიზიკის სწავლების მეთოდიკა;  გამოყენებითი ფიზიკის ისტორიის საკითხები.
დაგეგმილია კონფერენციაზე წარმოდგენილი მოხსენებების კრებულის გამოცემა.


 

სიახლეებში დაბრუნება

ბანერები