14 ივნ

Erasmus+ საერთაშორისო კვირეული

06-06-201821-25 მაისს სილეზიის ტექნოლოგიურ უნივერსიტეტში (Silesian University of Technology - SUT) (გლივიცე, პოლონეთი) გაიმართა Erasmus+ საერთაშორისო კვირეული, სადაც მონაწილეობა მიიღო საქართველოს ტექნიკური უნივერსიტეტის ქიმიური ტექნოლოგიისა და მეტალურგიის ფაკულტეტის ასოცირებულმა პროფესორმა თამარ ლოლაძემ.
ღონისძიებაში მონაწილეობას ღებულობდა მსოფლიოს 21 ქვეყნის უნივერსიტეტების 48 წარმომადგენელი, მათ შორის სერბეთიდან, ალბანეთიდან, კოსოვოდან, უკრაინიდან, რუსეთიდან, ჰონდურასიდან, მექსიკიდან, ყაზახეთიდან, ყირგიზეთიდან, სომხეთიდან, აზერბაიჯანიდან, სურინამიდან, ეთიოპიიდან, გვატემალადან, კოლუმბიიდან, მონტენეგროდან, კოსტა რიკიდან, ურუგვაიდან და ა.შ.
13 ივნ

სტუდენტთა საყურადღებოდ


სამშაბათს 19 ივნისს 16:00 სთ-ზე გაიმართება შეხვედრა, ადმინისტრაციული კორპუსის ნიკოლაძის დარბაზში შპს ,,პსპ'' - სთან.

             ოთხშაბათს 20 ივნისს 16:00 სთ-ზე
შპს ,,გეფა'' - სთან, გაიმართება შეხვედრა, ადმინისტრაციული კორპუსის ნიკოლაძის დარბაზში.

              ხუთშაბათს 21 ივნისს 16:00 სთ-ზე 
შპს ,,სახალხო აფთიაქი'' - სთან, გაიმართება შეხვედრა, ადმინისტრაციული კორპუსის ნიკოლაძის დარბაზში.

დასწრება სავალდებულოა ფარმაციის სპეციალობის ყველა კურსის სტუდენტთათვის.
30 მაი

ფარმაციის სტუდენტთა საყურადღებოდ


6 ივნისს გაიმართება დასაქმებისა და პროფესიული წინსვლისთვის შპს "ავერსთან" შეხვედრა, ადმინისტრაციული კორპუსის ნიკოლაძის დარბაზში.
სიახლეების სრულად ნახვა

მსოფლიო კონგრესი

მინერალური სასუქებისა და პესტიციდების მწარმოებელთა მსოფლიო კონგრესი

SCIF-2018

2018 წლის 15-19 მაისს ბათუმში ჩატარდა ,,მინერალური სასუქებისა და პესტიციდების მწარმოებელთა მსოფლიო კონგრესი“. ტექნიკური უნივერსიტეტის ქიმიური ტექნოლოგიისა და მეტალურგიის ფაკულტეტის სახელით, კონგრესის მუშაობაში მონაწილეობა მივიღეთ ორმა წარმომადგენელმა: ასოცირებულმა პროფესორმა მაია წვერავამ და მაგისტრატურის II კურსის სტუდენტმა, სალომე ჭეიშვილმა.

კონგრესის სამუშაო პროგრამა, ძირითადად სამ მიმართულებას მოიცავდა: ბიზნეს-სექტორი, მწარმოებლები (ამ მიმართულების საწარმოთა წარმომადგენლები) და სამეცნიერო კვლევითი ნაწილი. კონგრესისი ერთ-ერთი მთავარი სპონსორი, სააქციო საზოგადოება „რუსთავის აზოტი“ იყო.

მსოფლიო კონგრესი ეძღვნებოდა მინერალური სასუქებისა და პესტიციდების წარმოებაში, ინოვაციურ იდეებსა და გადაწყვეტილებებს. წარმოდგენილი თემატიკები, არა მარტო ახალ ტექნოლოგიებს, არამედ წარმოების აპარატურულ მომსახურებას და ტექნიკის თანამედროვე მიღწევებს ეხებოდა. კონგრესის მუშაობაში მონაწილეობდნენ წარმომადგენლები მსოფლიოს 18 ქვეყნიდან: ავსტრია, ბელგია, ბულგარეთი, ინგლისი, გერმანია, ჰოლანდია, იტალია, კანადა, ლიეტუვა, ლუქსენბურგი, პოლონეთი, ბელორუსი, უკრაინა, ყაზახეთი, უზბეკეთი, აშშ, ჩეხეთი, შვეიცარია და რუსეთის ფედერაცია. მოხსენებების წარდგენა, ძირითადად 1-2 სამუშაო დღეს შედგა. მე-3-ე სამუშაო დღე დაეთმო მონაწილეთა შორის საქმიან დიალოგს, კონტაქტების დამყარებას, შეთანხმებებისა და ხელშეკრულებების გაფორმებას.

           ჩემს მიერ კონგრესზე წარმოდგენილი იყო მოხსენება, „ადგილობრივი ნედლეულის ბაზაზე, ქიმიური სასუქების წარმოების ზოგიერთი ტექნოლოგიური გადაწყვეტა“, რომლის პრეზენტაცია და რეზიუმე თან ახლავს წარმოდგენილ ანგარიშს. მოხსენებაში ხაზგასმით იყო აღნიშნული, რომ ქიმიური წარმოების განვითარების პერსპექტივა მოიცავს, არამარტო ამ მიმართულების ტექნოლოგიურ განვითარებას, არამედ მიღებული შედეგების მეცნიერულ გააზრებას. წარმოებისა და სამეცნიერო წრეების აქტიური თანამშრომლობა, განსაზღვრავს ამ სფეროს წარმატებას.

ჩვენი ფაკულტეტისა და „საყოფაცხოვრებო ქიმიის წარმოების განვითარების ხელშემწყობი სამეცნიერო-კვლევითი ცენტრის“ სახელით, განვაცხადე ურთიერთთანამშრომლობის მზაობა სამი მიმართულებით: 1. სამეცნიერო კვლევითი სამუშაოები; 2. საგანმანათლებლო გაცვლით პროგრამებში მონაწილეობა; 3.საქართველოში იმპორტირებული მინერალური სასუქებისა და პესტიციდების ვარგისიანობის ანალიზი ჩვენი ეკოსისტემისათვის.

კონგრესის მსვლელობისას, ჩემს მიერ შეთავაზებული იდეა, სრულად მხარდაჭერილი იქნა ბელორუსიის წარმომადგენლების მიერ იმდენად, რომ ბელორუსის ნაციონალური აკადემიის წარმომადგენელმა, პროფესორმა ნ. კრუტკომ აღარ წარმოადგინა თავისი მოხსენება. მისი გამოსვლა დაიწყო ჩემი იდეის სრული მხარდაჭერით, რომელიც კიდევ უფრო განავრცო და შემოგვთავაზა მისი ერთობლივი განხორციელების გეგმა.

           SCIF-ის მსოფლიო კონგრესის მთავარმა ორგანიზატორმა, ლეონიდ ხალიმოვმა (უკრაინა), როგორც კონგრესზე თავისი გამოსვლისას, ასევე პირად საუბარშიც აღნიშნა ამ იდეების მხარდაჭერა აღგვითქვა, რომ შემდეგი კონგრესის ორგანიზებისას შეიტანს სათანადო ცვლილებებს ამ მიმართულებით და გამოთქვა მჭიდრო თანამშრომლობის სურვილი.

ამ ეტაპისათვის გვაქვს ურთიერთთანამშრომლობის რეალური შემოთავაზებები ბელორუსის, ყაზახეთის, რუსეთის, უკრაინის და ბულგარეთის წარმომადგენელთაგან.

პატივისცემით მაია წვერავა


დელეგატები დაჯილდოვდა დიპლომით



თეზისი

პრეზენტაციის ჩამოტვირთვა